"Реал" "Арсенал"нинг топ футболчисига қизиқишни оширди

Мадрид клуби 24 ёшли Салибани ҳимоя чизиғини кучайтириш учун идеал номзод деб ҳисобламоқда. Шу билан бирга, трансфер қимматга тушади - "қаймоқранглилар" 100 миллион евродан кўпроқ таклиф қилишга тайёр.

Таъкидланишича, "Арсенал" Салибани ўз сафида олиб қолиш ниятида ва франциялик футболчига янги шартнома таклиф қилмоқда.

Футболчининг амалдаги меҳнат шартномаси 2027 йилнинг ўрталарига қадар мўлжалланган. Вильям Салиба жорий мавсумда 39 та ўйинда майдонга тушиб, 2 та гол уришга эришди.