"Реал" "Арсенал" ҳимоячисига қизиқиш билдирмоқда

"Қаймоқранглилар" италиялик футболчидаги кучли ҳимоя ва ҳужумдаги ажойиб комбинацияларни ўзида мужассам этган ўйин услубини ёқтиради. Қайд этилишича, "Арсенал" Калафьорини сотиш имкониятини кўриб чиқишга тайёр. Лондонликлар футболчи учун 75-80 миллион евро олмоқчи.

"Арсенал" Риккардо Калафьорининг трансфер ҳуқуқини 2024 йилнинг ёзида "Болонья"дан сотиб олганди. Италиялик футболчи жорий мавсумда "канонирлар" сафида 26 та учрашув ўтказиб, 3 та гол ва 2 та ассист қайд этди.