RU

Последние новости

14:57"Ал Иттиҳод" Педро учун 35 миллион евро таклиф қилди  0 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  0 13:33"Реал" афсонаси: "Олмаотага учиш Нью-Йоркка учишдек гап"  9 13:04"Фенербахче" Моуриньюни бош мураббий лавозимидан озод этди  6 12:52Туркманистон бош мураббийи Ровшан Мередов: "Бу савол менга эмас"  4 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  15 11:56Тимур Кападзе Паулу Бенту ҳақида фикр билдирди  31 11:44Карлуш Кейруш: "Бир неча йил аввал Ўзбекистон футболи "уйқу"да эди"  24 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  12 10:53Довбик А Сериянинг бошқа жамоасига ўтишга яқин  5 10:28Хави Симонс фаолиятини АПЛда давом эттиради (Фабрицио Романо)  7 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1

Равшан Эрматов: "Рақибни менсимаслик яхши эмас, ҳар бир ўйинга жиддий ёндошиш шарт" Новости

Равшан Эрматов: "Рақибни менсимаслик яхши эмас, ҳар бир ўйинга жиддий ёндошиш шарт"

Айни пайтда Малайзия пойтахти Куала-Лумпурда бўлиб турган ЎФА Биринчи вице-президенти Равшан Эрматов бошчилигидаги делегация кеча ўтказилган Қатарда бўладиган ЖЧ-2022га саралаш босқичига қуръа ташлаш маросимида қатнашганди.

Шунингдек, ЎФА Биринчи вице-президенти Равшан Эрматов қуръа ташлаш маросимидан ташқари қатор масалалар бўйича ОФК бош қароргоҳида расмий учрашувлар ўтказмоқда. Хусусан "AFC Integrity" департаменти раҳбари Аҳмед Алосайми, "Sportradar" компанияси директори Оскар Бродкин, ФИФА ҳакамлар қўмитаси раиси ўринбосари Ҳани Баллан, ОФК ҳакамлар бошқармаси директори Шамсул Майдин билан расмий учрашувлар ўтказилди ва унда қатор масалалар бўйича маслаҳатлар олинди.

Бу ҳақда Равшан Эрматов сайтимиз мухбири Шаҳбоз Беғамовга маълум қилди.

Хусусан яқиндагина бўлиб ўтган навбатдан ташқари ҳисобот-сайлов конференциясида ЎФА президенти этиб сайланган Абдусалом Азизов ўз нутқида футболимиз томирига болта ураётган ёмон иллатлардан бири бу келишилган ўйинлар ва тотализатор эканлигини таъкидлаб, бу борада жиддий курашиш лозимлигини алоҳида қайд этганди.

Абдусалом Азизов: "Тотализатор, келишилган ўйинлар каби иллатларни йўқотиш биринчи даражадаги вазифамиз бўлади" 

Шу муносабат билан ОФК бош қароргоҳида бўлиб турган Эрматов бошчилигидаги делегация тотализаторга қарши курашиш компанияси "Sportradar" раҳбарияти билан учрашиб, мазкур ёмон иллатларга қарши курашиш йўллари бўйича тегишли тавсия ва маслаҳатлар олишган. Шунингдек, ФИФА ҳакамлар қўмитаси раиси ўринбосари Ҳани Баллан ва ОФК ҳакамлар бошқармаси директори Шамсул Майдин билан учрашув чоғида VAR тизимини ўрнатиш учун дастлабки босқичда нималарга эътибор қаратиш борасида суҳбат бўлган.

Куннинг иккинчи ярмида ЎФА Биринчи вице-президенти Равшан Эрматов бошчилигидаги делегация яна қатор масалалар бўйича расмий учрашув ўтказишни режалаштирган.

Равшан Эрматов шунингдек кеча бўлиб ўтган Қатарда бўладиган ЖЧ-2022 саралаш босқичига ташланган қуръа ва миллий жамоамиз ўрин олган гуруҳ ҳақида қуйида қисқача фикрларини билдирди.

- "Кўпчилик осон гуруҳ тушганини таъкидламоқда. Лекин Осиё қитъасида футбол йилдан-йилга жадаллик билан катта тезликда ривожланиб бораётганини унутмаслик керак. Мени хурсанд қиладигани, бу футболчиларимизнинг азалий ва энг асосий орзуси бу мундиал. Шу боисдан ҳам футболчилар Жаҳон чемпионати йўлида қаттиқ тер тўкишлари ва бунинг учун қўлларидан келган барча ишни амалга оширишларига ишонаман. Футболда орзу олдинга қадам ташлаш учун энг катта мотивация. Гуруҳ ҳақида тўхталадиган бўлсам, аввало рақибларни ҳурмат қилиш лозимлигини айтган бўлардим. Футболда рақибни менсимаслик қандай оқибатларга олиб келганини жуда кўп кўрганмиз. Шу боисдан ҳар бир ўйинда жиддий ёндошиш шарт. Яқиндагина ўтган Осиё Кубоги ҳам қитъамизда футбол тез суръатда ўсиб бораётгани ва барча жамоалар кучайиб бораётганини амалда ҳам кўрсатди. Бўшашишга ҳаққимиз йўқ. Кечаги қуръадан кейиноқ биз ташкилий ишларни бошлаб юбордик. Миллий жамоа бош мураббийи Эктор Купер билан алоқага чиқиб, керакли масалалар бўйича гаплашилди. Бизни узоқ ва машаққатли йўл кутмоқда. Мақсад ва вазифа халқимизнинг азалий орзуси бўлган Жаҳон чемпионатига чиқиш. Бунинг учун барчамиз футболимиз ривожи йўлида чин юракдан ишлашимиз талаб этилади", - дейди Равшан Эрматов.

Эслатиб ўтамиз, кеча бўлиб ўтган Қатарда бўладиган ЖЧ-2022 саралаш босқичига қуръа ташлаш маросимида миллий жамоамиз "D" гуруҳида Саудия Арабистони, Яман, Фаластин ва Сингапур билан бирга тушди.



ЖЧ-2022 иккинчи саралаш босқичига қуръа ташланди. Ўзбекистон гуруҳи билан танишинг 

ЖЧ-2022. Ўзбекистон терма жамоаси ўйинларининг тақвими

Миллий жамоамиз ЖЧ-2022 саралаш босқичини 5 сентябрь куни Фаластинга қарши меҳмонда бошлаб, келаси йили 9 июнь куни Саудия Арабистонида тугатади.

Рейтинг: +40   

Комментарии

championat.asia
< посмотреть последние новости
Яндекс.Метрика