Равшан Эрматов Испания - Марокаш ўйинини бошқарди. Махсус ФОТОГАЛЕРЕЯ

"B" гуруҳи доирасида кечган баҳсда Испания терма жамоаси Марокаш билан 2:2 ҳисобида дуранг ўйнади. Ана шу беллашувни ҳамюртимиз Равшан Эрматов ва унинг бригадаси бошқариб борди. Қуйида учрашувдан айнан Эрматовга бағишланган суратларни эътиборингизга ҳавола этамиз.

Чапдан ўнгга: Жаҳонгир Саидов, Равшан Эрматов ва Абдуҳамидулло Расулов ўйинолди чигалёзди машқларини бажаришмоқда.

Учрашув бошидан охирига қадар кеискин вазиятларга бой бўлди. Ҳакамлар учун жуда ҳам оғир баҳс десак бўлади.

Эрматов бир неча бор ўйинчиларга майдонда назорат унинг қўлида эканлигини уқтириб қўйишига тўғри келди.

Аввалига Да Кошта, кетидан кескин эътироз билдиргани учун Буссуфа ҳам огоҳлантирилган вазият.

Ҳар бир кескин вазият кўздан қочмаслиги керак эди.

Ашраф Ҳакими ҳам ақл ўргатгани учун "насибаси"ни олди.

Менга Месси бир жаҳон-у, менга Рамос бир жаҳон.

Шунчаки, Gettyimages учун сурат олган фотограф Крис Бранскиллдан ҳазиломуз кадр )