Равшан Эрматов АҚШ - Колумбия ўртасидаги ўйинни бошқаради
09 мар 2016 15:53
Новости

Равшан Эрматов АҚШ - Колумбия ўртасидаги ўйинни бошқаради

Ўзбекистонлик ФИФА ҳаками Рашван Эрматов Олимпиада-2016 плей-офф саралаш учрашувида ишлайди.

25 ва 29 март кунлари АҚШ ва Колумбия олимпия терма жамоалари уй-сафар тизимида ўйин ўтказишади. Ғолиб жамоа Бразилиядаги Олимпиада ўйинларига йўлланмани қўлга киритади.

ФИФА ушбу ўйинларга турклиялик ва ўзбекистонлик ҳакамларни тайинлади.

25 март куни Колумбия мезбонлик қиладиган баҳсда туркиялик Жунейт Чақир ишлайди. 29 мартда АҚШнинг Техас штатида жойлашган "Тойота" стадионида бўлиб ўтадиган ўйинни Равшан Эрматов бошчилигидаги ҳакамлар бошқариб боришади.

Эслатиб ўтамиз, Рио Де Жанейрода бўлиб ўтадиган Олимпиада ўйинларида 16та футбол жамоаси иштирок этади. Ҳозирга қадар 15та жамоанинг номи маълум бўлган.

Йўлланмага эга бўлган жамоалар: Бразилия, Аргентина, Дания, Германия, Португалия, Швеция, Фижи, Гондурас, Мексика, Жазоир, Нигерия, ЖАР, Ироқ, Япония, Жанубий Корея.

Ссылка :

Источник : championat.asia

Получайте новости прямо в Telegram!

Рейтинг: +17