Рауль қўл остидаги "Реал" УЕФА Ўсмирлар лигасида ғолиб бўлди
26 авг 2020 10:20
Новости

Рауль қўл остидаги "Реал" УЕФА Ўсмирлар лигасида ғолиб бўлди

Мадрид клуби УЕФА Ўсмирлар лигаси ғолибига айланди.

Финалда испан клуби Лиссабоннинг "Бенфика" жамоасини 3:2 ҳисобида таслим этди.

Мадридликлар 1-бўлимдан сўнг Пабло Родригес ва Энрике Жокунинг автоголи эвазига 2:0 ҳисобида олдинга чиқиб олди. 49-дақиқада эса Гонсалу Рамос гол урди ва ҳисоб қисқарди. 50-дақиқадаёқ "Реал" Мигель Гутьерреснинг голи эвазига ишончли ҳисобга қайтди.

57-дақиқада "Бенфика" ҳужумчиси Рамос дубль қайд этди ва ўйинга интригани қайтарди. Лиссабонликлар 68-дақиқада ҳисобни тенглаштиришлари мумкин эди, аммо Дантас пенальтини голга айлантира олмади.

Бу "Реал"нинг УЕФА Ўсмирлар лигасидаги илк ғалабаси. Қайд этиш керакки, Мадрид жамоасини собиқ машҳур футболчи Рауль бошқармоқда.