Расман: УEФА номи остида клублар миқёсидаги ўйинларда офсайдни янгича аниқлаш тизими йўлга қўйилади

Унга кўра, 2022/23 йилги мавсумда УEФА номи остида клублар миқёсидаги халқаро ўйинларда офсайдни аниқлашнинг ярим автомат тизими расман ишлай бошлайди. Тизим УEФА Суперкубоги-2022'дан қўлланишни бошлайди ва Чемпионлар Лигаси гуруҳ босқич ўйинларида ҳам ишга солинади.

Қайд этилишича, ярим автомат тизим ҳар бир футболчи танасининг 29 нуқтасини кузатиш имконига эга бўлган махсус камералар орқали ишлайди. 2020 йилдан бери жами 188 та тест ўтказилди, жумладан, Чемпионлар лигаси ўтган мавсумидаги барча учрашувлар, аёллар ўртасидаги ЕЧЛ плей-офф босқичи, клублар ўртасидаги бошқа мусобақалар ҳамда Евро-2022 финали.

Эслатиб ўтамиз, УEФА Суперкубоги-2022 учун “Реал” ҳамда “Айнтрахт” баҳс олиб боради. Улар ўртасидаги учрашув 10 август куни Хельсинкида бўлиб ўтади.