Расман: Тьерри Анри - "Монако" бош мураббийи
13 окт 2018 14:50
Новости

Расман: Тьерри Анри - "Монако" бош мураббийи

"Монако" клуби расмий сайти Тьерри Анри жамоа бош мураббийи этиб тайинланганини эълон қилди.

41 ёшли француз монегасклар билан 2021 йилнинг июнига қадар шартнома имзолади. У янги иш жойидаги фаолиятини душанба, 15 октябрдан бошлайди.

Анрига "Монако"да "Бенфика" ёшлар жамоаси устози Жоау Карлуш Валаду Тральяну ва "Арсенал" академияси мураббийи Патрик Кваме Ампаду ёрдам беради.

Тьерри шу кунга қадар Бельгия терма жамоасида Роберто Мартинесга ёрдам бериб келаётган эди.

Эслатиб ўтамиз, 1998 йилги Жаҳон чемпиони профессионал футболчилик фаолиятини айнан "Монако"да бошлаган. У 1993 йилдан 1999 йилгача жамоада 141та ўйин ўтказган ва 28та гол урган. Орадан 19 йил ўтиб у жонажон клубига бош мураббий сифатида қайтди.