Расман: "Металлург"нинг украиналик легионери "Динамо"га ўтди
03 янв 2025 17:12
Новости

Расман: "Металлург"нинг украиналик легионери "Динамо"га ўтди

Суперлига-2025 мавсуми олдидан таркибини кучайтираётган "Динамо" жамоаси навбатдаги футболчи билан шартнома имзолаганини маълум қилди.

Украиналик легионер Олександр Кучеренко "Динамо" жамоаси билан 1 йиллик шартнома имзолади. Тажрибали марказий ҳимоячи якунланган мавсумнинг иккинчи даврасини Бекободнинг "Металлург" клуби сафида ўтказиб, Суперлигада 13 ўйинда 1 та голга муаллифлик қилганди. У Самарқанд жамоаси сафига эркин агент сифатида қўшилмоқда.

Кучеренко фаолияти давомида Украинанинг "Верес", "Ингулец", "Волин", Молдованинг "Нистру" ва "Верис" клубларида ҳам ҳаракат қилиб, Украина Премьер-лигаси, Молдова Суперлигаси ва Европа Лигасида ҳам ўйинлар ўтказган.

Исм-шарифи: Олександр Евгеньевич Кучеренко

Туғилган санаси ва жойи: 1991 йил, 1 октябрь. Славянск, Украина.

Амплуаси: ҳимоячи

Ссылка :

Источник : "Динамо" матбуот хизмати

Получайте новости прямо в Telegram!

Рейтинг: +1