Расман: "Арсенал" Виллианнинг трансферини эълон қилди
14 авг 2020 14:28
Новости

Расман: "Арсенал" Виллианнинг трансферини эълон қилди

"Челси" собиқ ярим ҳимоячиси Виллиан "Арсенал" ўйинчисига айланди.

Клуб матбуот хизматининг хабарига кўра, ўйинчи "тўпчилар" билан 3 йиллик шартномага имзо чекди. Бразилиялик янги жамоасида 12-рақам остида тўп тепади.

Олдинроқ маълум бўлганидек, Виллиан "Арсенал"да ҳафтасига 220 минг фунт миқдорида маош олади.

Футболчи жорий мавсум "Челси" таркибида АПЛ доирасидаги 36та ўйинда майдонга тушиб, 9та гол ва 9та ассист қайд этди.

Футболчи 2013 йилнинг августидан бери "Челси"да тўп тепарди. У клуб билан икки бор АПЛ ва бир бор мамлакат Кубогига эга чиқди.