Расман: "Андижон" яна бир легионер трансферини эълон қилди
30 янв 11:10
Новости

Расман: "Андижон" яна бир легионер трансферини эълон қилди

Суперлига клублари янги мавсумга тайёргарлик жараёнини давом эттиришмоқда.

"Андижон" жамоаси яна бир янги футболчи билан шартнома имзолади. Черногориялик футболчи Лука Ускокович янги мавсумда "бургутлар" шарафини ҳимоя қилади.

Ушбу ҳимоячи 1996 йилнинг 10 апрель санасида таваллуд топган. Луканинг охирги клуби Латвиянинг "Лиепая" жамоаси ҳисобланади. У ерда 11 та учрашувда майдонга тушган.

Умумий ҳисобда шу пайтгача 92 та ўйинда майдонга тушган. 1 та гол урган ва 2 та голли пас узатган.

Шунингдек, Ускокович фаолияти давомида Словениянинг "Зариса Кранж" ҳамда "Марибор" клубларида ҳам тўп тепган.

Эътиборлиси, у "Марибор" билан уч марта – 2016/17, 2018/19 ва 2021/2022 йилги мавсумларда Словения чемпионлигини қўлга киритган.