Рашид Ғофуров: "Яхши ҳужумчиларимиз бор, лекин..."

"Бугун қизиқарли ўйин бўлди. Ўйинни яхши бошлагандик. Йигитлар майдонда устунликни қўлга олишганди. Кейин эса нимадир бўлди ва футболчиларимиз қотиб қолишди.

"Машъал"нинг ғалабага чанқоқлиги кўриниб турди. Иккинчи бўлимда бизда ҳам имкониятлар бўлганди. Афсуски, ҳужумларни самарали якунлай олмадик. "Машъал"ни ғалаба билан табриклашдан бошқа иложимиз йўқ.

Ҳужумчиларимиз яхши бўлиши мумкин. Лекин, улар ҳужумларни гол билан якунлай олмаяптилар. Бу устида албатта иш олиб боришимиз керак. Асосий муаммомиз - вазиятларни яратгандан сўнг уларни голга айлантириш.

Иккинчи бўлимда янги куч билан майда устунликни қўлга олмоқчи эдик. Мамазулунов ва Алибобо Раҳматуллаевларнинг захирадан майдонга тушганида жамоага кўпроқ фойдаси тегади.

Маҳаллий ёшларга эътибор яхши. Лекин, асосийси натижа бўлгани учун тажрибали футболчиларга ишоняпмиз", - дея ўз фикрларини якунлади мураббий.