“Раш-Милк” бош мураббийсиз қолди

Олинган маълумотларга кўра, жамоани янги мавсумга тайёрлаб келаётган маҳаллий мураббий Нозим Муллаохунов раҳбарият томонидан кутилмаганда истеъфога чиқарилган. 

Айтишларича, Андижон вилояти ҳокими Кубоги финал учрашуви якунига етгач Муллаохунов жамоа билан хайрлашган. Маълумот учун “Раш-Милк” “Ҳоким Кубоги-2019” турнири финалида “Навбаҳор” ёшлар жамоасини мағлуб этиб, бош совринни қўлга киритганди.

Ҳозирда жамоа машғулотларини ўйновчи мураббий Асрор Раҳмонов ўтиб келмоқда. Эртага шаҳрихонликлар Бўстон даҳасидаги “БЎФМ” майдонида Фарғонанинг “Истиқлол” жамоасига қарши синов-назорат учрашувини ўтказишга келишиб олган.