Рақибларимиз: Қатар ва Ҳиндистон ҳақида янгиликлар

Алексей Евстафеев бошчилигидаги жамоа Қатар, Ҳиндистон, Непал ва Туркманистон термаларига қарши беллашади. Феликс Санчес бошчилик қилаётган Қатар Испанияда ҳар йили ўтказиладиган халқаро турнирда қатнашди. Унда бу жамоа Австралия, Мексика, Испания ва Саудия Арабистони ёшларига қарши майдонга тушди. Ўша ўйинлардаги натижалар ва қатарликлар таркиби билан танишинг.

Саудия Арабистони – Қатар – 3:1
Гол: Мўин 18.
Қатар: Наим, Маҳмуд, Фаҳад, Ҳассан, Аҳмад (Носир, 53), Мўин, Умар, Муҳаммад, Аҳмад (Султон, 40), Жассим (Абду, 40), Алмоаз.

Қатар – Мексика – 0:1
Қатар: Наим, Маҳмуд (Абду, 36), Али (Ҳассан, 36), Камал, Ҳассанин (Муҳаммад, 56), Мўин (Умар, 36), Алави, Муҳаммад (Бахит, 47), Абдулла, Салоҳ (Аҳмад, 31), Заин (Носир, 36).

Қатар – Испания – 0:4
Қатар: Наим, Абдулазиз, Али, Ҳассан (Иброҳим, 64), Мўин, Аҳмад (Бахит, 48), Умар, А.Омар, Алави (Абду, 48), Жассим, Али Заим (Алсади, 64).

Қатар – Австралия – 1:0
Гол: Али Афиф.
Қатар: Наим, Ал Халоси (Камол, 47), Али, Ҳассан, Мўин, Аҳмад (Жассим, 36; Иброҳим, 69), Мадибо, А.Омар, Алави (Аляс, 69), Абдулраҳмон, Али Заин (Алсади, 47).

Ҳиндистон терма жамоаси эса англиялик Колин Тоэл устозлигида Хитойда йиғин ўтказиб қайтди. Дастлаб Шаньхай шаҳри терма жамоаси билан 2:2 ҳисобида дуранг ўйнаган ҳиндлар кейинги икки баҳсда Хитойнинг 17 ёшгача бўлган ўсмирлари билан майдонга тушдилар. Дастлабки ўйин 4:0 ҳисобида Ҳиндистон ғалабаси билан якунига етди. Сажид Дхот, Лалрампуя Фанай, Уданта Сингх ва Даниэл Лаллимпуя томонидан киритилган тўплар меҳмонларга ғалаба келтирди. 19 август куни томонлар иккинчи баҳсни ўтказишди. Бу сафар Даниэл Лаллимпуя, Раван Кумар, Чингленсана Сингхнинг биттадан ва Уданта Сингхнинг учта голи ҳиндларнинг 6:0 ҳисобидаги зафарини таъминлади.

Беҳзод Назаров тайёрлади