Рангник - Санчо ҳақида: "У жуда муҳим инсонини йўқотди"

Санчонинг майдонга тушмагани ҳақида

"У оиласининг жуда муҳим аъзосини, ўзи учун энг яқин бўлган инсонини йўқотди. У билан гаплашиб оламан ва машғулотдан кейин якуний қарорни бирга чиқарамиз"

Роналдунинг норозилиги ҳақида

"Барчасини тушунганидан кейин Роналду мени қучоқлаб юборди. Тўғриси буни кутмагандим. Тўпурар футболчилар нималарни фикрлашини яхши биламан. Шу сабабли яна бир бор бундай қарор чиқаришдан қочмаган бўлардим.

Ҳа, у норози бўлди. У майдонда қолишни, гол уришни истади. Аммо биз бош билан яхши ўйнайдиган ва ҳимояда тўпни қайтарадиган футболчини майдонга туширишни истагандик"

Лингард ҳақида

"Ньюкасл" унга қизиқиш билдирди. Ҳозир навбатдаги 10 кунда нималар бўлишини ҳеч ким билмайди. Шу жумладан мен ҳам"

Далот ҳақида

"Унинг ҳужумдаги ўйинида функциялари жуда кўп. Диогу қанотдан яхши паслар ошира олади, шунингдек, бирга бир ҳолатларда рақибларини алдаши ҳам мумкин. Лекин унинг ҳимоявий ишларини бироз яхшилаш керак.

Уни ҳимояга мослашган ҳимоячи дейиш хато. Яқин вақтлар ичида у ҳужумкор ҳимоячига айланади.

Ҳозирча менга Далот ва Теллеснинг ўйинлари маъқул келмоқда. Улар учун хурсандман. Люк ва Аароннинг жароҳатлари сабабли улар ўйин амалиётига эга бўлишмоқда"