Ракитич: “Энг яхши жамоага қарши ўйнаб, уларни азоблашни хоҳлайман”
23 сен 2020 21:20
Новости

Ракитич: “Энг яхши жамоага қарши ўйнаб, уларни азоблашни хоҳлайман”

УЕФА Суперкубоги-2020 арафасида “Севилья” аъзосига айланган Иван Ракитич “Бавария”га қарши баҳс олдидан ўз фикрлари билан бўлишди.

“Бавария” фаворит ва буни барча тан олади. Улар ўз устунлигини намойиш этишди, уларни Чемпионлар Лигасидаги ғалаба билан табриклаймиз, аммо эртага яна бир тўқнашув кутиб турибди.
Бу сўнгги йилларда улкан қадам ташлай олган кам сонли жамоалардан бири. Уларда тажрибали ва сезиларли даражада ўсиб бораётган ёш футболчиларнинг қоришмаси мавжуд. Уларни ҳурмат қиламиз, аммо қўрқмаймиз. Мен энг яхши жамоага қарши ўйнашни ва уларга азоб беришни хоҳлайман”, дейди Ракитич.

Эслатиб ўтамиз, “Бавария” - “Севилья” ўртасидаги беллашув Тошкент вақти билан 25 сентябрга ўтар кечаси, соат 00:00 да бошланади.

Ссылка :

Источник : Marca

Получайте новости прямо в Telegram!

Рейтинг: +8