Раҳматулло Бердимуродов: “Олмалиқ” олтинчи поғонадан пастга тушмаса яхши натижа бўларди"

Жамоа ҳимоячиси Раҳматулло Бердимуродов тайёргарлик тўғрисида фикр билдирди.

-  Биринчи давра биз учун қийин ўтди. Лекин ҳозирги ўрнимиз ҳам ёмон эмас. “Олмалиқ” клуби азалдан олтинчи поғонадан пастга тушиб кетмаган. Саккизинчи поғона ҳеч кимни қаноатлантирмаяпти. Барча жамоаларга ўхшаб кунига икки маҳалдан машғулот ўтказяпмиз. Эрталаб жисмоний холатга эътибор қаратсак кечқурун тўплар билан ишлаяпмиз.

Шартномага қўл қўяётганимда жамоа раҳбарияти олдимга хеч қандай мақсад қўйишмаган. Лекин ҳар бир учрашувда мақсадсиз ҳаракат қилинмайди. Барча ўйинларда ғалаба қозонамиз деб майдонга чиқамиз. Аввал олдимизга мана шу ўринни эгаллайсан деб мақсад қўйиларди вазифани бажара олмасак ҳам. Олтинчи поғонадан пастга тушиб кетмасак бу биз учун яхши натижа.

“Металлург” жамоаси яхши ўйин намойиш этмоқда. “Бухоро” билан “Қизилқум” ҳақида бундай фикрдан йироқман. Чунки бу жамоаларда маблағ томондан муаммолар йўқ. Ушбу жамоалар олтинчи, еттинчи поғоналарда юришипти. Бу клубларни чемпионатимизни қизитмоқда деб айта олмайман. Иккинчи давранинг илк турида “Бухоро” жамоаси билан беллашамиз. Ўша учрашувда ғалаба қозонсак қолгани яхши бошланиб кетади. Уларнинг таркиби кучли эди, ҳозир бир нечта футболчиларни таркибга қўшиб олиб яна ҳам кучайиб олди.

Бизнинг жамоамизга ҳам Кенжа Тўраев ва Мўйдин Мамазулумов келган. Рўзимбой Аҳмедов ва Фарҳод Тожиев жамоамизни тарк этишди. Барчаси майдонда хал бўлади”, - дейди Раҳматулло Бердимуродов.


Жаҳонгир Сотволдиев