Рафинья: "Умид қиламанки, мухлисларни хурсанд қилишда давом этаман"
23 мая 12:36
Новости

Рафинья: "Умид қиламанки, мухлисларни хурсанд қилишда давом этаман"

"Барселона"нинг бразилиялик вингери Рафинья Диас Каталония клуби билан янги шартнома имзолаганидан сўнг ҳис-туйғулари билан ўртоқлашди.

"Мақсадимга эришганимдан жуда хурсандман. Мухлисларни хурсанд қилишда давом этаман деган умиддаман. Оиламга айтганимдек, менинг орзум – фаолиятимнинг охиригача шу ерда қолиш ва буни имконим борича ўйнаб, амалга оширишдан умидворман.
Бу ерга келганимдан бери анча камолга етдим. Ва агар ҳамма менга ёрдам берса, бундан ҳам кўпроғига қодирман. Умид қиламанки, яхши футболчи ва намунали инсон бўламан", – деди футболчи.

Рафинья клуб билан келишувини 2028 йилнинг 30 июнига қадар узайтирди. "Барселона" офисида шартнома имзолашда президент Жоан Лапорта, биринчи вице-президент Рафа Юсте ва спорт директори Деку ҳам иштирок этди.

Ссылка :

Источник : fcbarcelona.com

Получайте новости прямо в Telegram!

Рейтинг: +6