RU

Последние новости

08:48Отабек Нарзуллаев: "Битта хато - мағлубиятга олиб келди"  0 08:45Лига 1. Ансу Фатининг дубли "Монако"ни мағлубиятдан қутқариб қолди  1 08:20Гвардиола афсонавий Алекс Фергюсоннинг рекордини янгилади  1 07:50Суперлига. "Қизилқум" ўз майдонида "Машъал"ни енгди, "Сўғдиёна" эса меҳмонда "Шўртан"дан устун келди  0 07:41U-20 ЖЧ. Нимчорак финалнинг барча жуфтликлари маълум  1 02:20А Серия. "Рома" ва "Наполи" ишончли ғалабага эришди, "Ювентус" ва "Милан" ўртасидаги ўйинда ҳисоб очилмади  7 02:14Ла Лига. "Сельта" ва "Атлетико" ўзаро дуранг ўйнади, мадридликлар 40-дақиқада бир киши кам бўлиб қолишди  6 01:40Лига 1. "Лилль"ни ПСЖга қарши ўйиндаги мағлубиятдан Мбаппе қутқариб қолди  6 01:03Харри Магуайр фаолиятини Саудия Арабистонида давом эттириши мумкин  1 23:58Туркия Суперлигаси. "Башакшехир" меҳмонда "Гёзтепе"га мағлуб бўлди, меҳмонлар сафида Шомуродов ва Файзуллаев ҳаракат қилди  15 22:27АПЛ. "Манчестер Сити" меҳмонда Холанднинг голи эвазига "Брентфорд"ни мағлуб этди  10 22:12Виталий Левченко: "Ўзимизга боғлиқ барчасини максимал даражада бажарамиз"  11 22:00Суперлига. "Нефтчи" – "Андижон" 2:0   1 21:55Эрон Про лигаси. "Истиқлол" меҳмонда "Чадормалу" билан дуранг ўйнади, Ашурматов баҳсда тўлиқ ҳаракат қилди  0 21:22Ла Лига. "Барселона" меҳмонда "Севилья"дан тўртта гол қабул қилиб олди ва мағлубиятга учради  176

Қувондиқ Рўзиев: "Навбаҳорга ўтганимдан афсусланмайман. "Қўқон-1912"га Бахтиёр Ашурматовнинг илтимоси билан келдим" Новости

Қувондиқ Рўзиев: "Навбаҳорга ўтганимдан афсусланмайман. "Қўқон-1912"га Бахтиёр Ашурматовнинг илтимоси билан келдим"

Ўтган мавсумни Наманганнинг "Навбаҳор" жамоасида ўтказган ярим ҳимоячи Қувондиқ Рўзиев шу кунларда "Қўқон-1912"нинг машғулотларида иштирок этмоқда.

Футболчи ростдан Қўқонга қайтдими? "Навбаҳор"даги фаолияти қандай кечди? Шу бошқа саволларга Қувондиқ Рўзиевдан жавоб олдик. 

- Ўтган мавсум ҳақида тўхталмай иложимиз йўқ. Чунки "Навбаҳор"да қанчалик қийин бўлганига қарамай, ўзингиз учун хулосалар чиқарганингиз табиий. Қувондиқ Рўзиевга аввал бундай босимда ўйнамагани таъсир қилдими? 

- Тўғри таъкидладингиз. Ўтган мавсум мен учун фаолиятимдаги энг қийини бўлди. Боз устига мени таклиф қилган мураббий илк турдан сўнг истеъфога чиқарилди. Жароҳат билан ўйнаганим ҳам ўз таъсирини ўтказди. Албатта бу баҳона бўла олмайди. Аммо футболда кичик деталь ҳам кўп нарсани ҳал қилади. Аслида мавсумни яхши бошлагандик. "Сўғдиёна"дан қабул қилиб олинган мағлубиятдан кейин Тошкентда "Локомотив" билан яхши ўйнаб ғалаба қозондик. Ўша баҳсда ҳаракатларим ўхшади. Тур рамзий терма жамоасига кирдим. Кетма-кет очко йўқотишлардан сўнг менга босим келиб тушди. Кўникиб кета олмаяпти, деган гап-сўзлар кўпайиб кетди. Буларнинг барчасида ўзим айбдорман. Бундан ҳам яхши ўйин кўрсатишим мумкин эди. 

- "Навбаҳор"да бахтли эмасдингизми?

- Ушбу жамоада тўп тепганимдан ҳеч қачон афсусланмайман. Боиси "Навбаҳор" мухлислари юртимиздаги энг яхшиларидан биттаси ҳисобланади. Эсласам ҳам фақат яхши хотиралар билан ёдга оламан. Ўйнаб кета олмаганим ўзимнинг айбим. 

- Сизни анчадан бери қийнаб келаётган жароҳат бор эди. Ҳозир ундан буткул қутулдингизми? Ўзингизни кўрсатишингиз учун тўсиқлар йўқми?

- "Насаф"га қарши сафарда ўтган драматик беллашувда 0:1 ҳисобида мағлубиятга учрадик. Мағлуб бўлганимизга қарамасдан етарлича қаршилик кўрсата олган эдик. Ўша ўйиннинг 60-дақиқасида тиззамдан жароҳат олдим. Кейин уколлар ёрдамида тўп тепиб келдим. Тиззамдаги тоғайлар синиб кетганди. Буни олишдан бошқа йўлим қолмаганди. "Навбаҳор" шифокори билан гаплашганимда, натижалар яхши бўлмагани учун шошилмай туришимни, оғриқ қолдирувчи укол билан ўйнаб туришимни илтимос қилди. Барибир жароҳат кучайиб бориб ўйнай олмайдиган даражага келиб қолдим. Жарроҳлик амалиёти якунда омадли ўтди. Бир ойдан кейин бемалол тўп тепишни бошладим. Айни пайтда жамоавий машғулотларда ҳеч кимдан қолишмаган ҳолда ишлаяпман. 

- Айни пайтда сизни "Қўқон-1912" машғулотларида кўрмоқдамиз...

- "Қўқон-1912"га Бахтиёр аканинг таклифлари билан келдим. Ўзлари ҳам футболчи бўлганлар. Бундай жароҳатлардан ўтганлар, дея оламан. "Жароҳатдан кейин ўзингга келиб олишинг керак. Ҳозирги пайтда оғир юкламалар бўлади. Бу сенга фойда",- дедилар. Лекин клуб билан келишганим йўқ. Шуниси аниқки, Бахтиёр акага сўз бердим, жамоа билан келиша олмаган тақдиримда бошқа клубларнинг таклифларини кўриб чиқаман. Унгача "Қўқон-1912"нинг таклифини кутаман. Юз фоиз жамоа билан биргаман, демаган бўлар эдим. Бахтиёр ака ҳам мураббий, ҳам акамдек бўлиб қолгани учун чорловларига йўқ демадим. "Навбаҳор"даги қийин пайтларимда ҳафтада 1-2 маротаба қўнғироқ қилиб маслаҳат бериб турдилар. Ўйинимни таҳлил қилардик. Ташлаб қўймаганлар. Шу боис бу ерга келиб қўшилдим. Аммо шартнома имзоламадим. Қўқонга айнан Бахтиёр аканинг илтимоси билан келдим. 

- Қишки трансферлар ойнаси вақтида "Локомотив" таклиф билан чиққан эди. Пойтахт клубининг чорлови қанчалик жиддий туюлди?

- "Локомотив" мен учун қадрдон жамоа. Ёшлигимдан шу клубда тўп тепиб катта футболга қадам ташлаганман. Улардан айтарли оғзаки таклиф бўлди. Жиддий музокараларгача етиб бормади.

- Қувондиқ Рўзиев фаолиятининг чўққисидан ўтдими ёки бу жараён энди келадими?

- Қизиқ савол. Буни билиб бўлмайди. Ҳаммаси худодан. Янада катта марраларни забт этармиз. Меҳнат ва ишлашда давом этсак барчаси яхши бўлади.

Автор : Iskandarov Abdulaziz
Рейтинг: +5   

Комментарии

championat.asia
< посмотреть последние новости
Яндекс.Метрика