Қувондиқ Рўзиев: "Бу футболчилар биринчи марта йиғилишганди"
17 июл 2015 14:30
Новости

Қувондиқ Рўзиев: "Бу футболчилар биринчи марта йиғилишганди"

Ўзбекистон олимпия терма жамоаси ярим ҳимоячиси Қувондиқ Рўзиев кечаги "Пахтакор"га қарши баҳсдан сўнг ўз фикрларини билдирди.

"Бугунги ўйин қийин ўтди, сабаби "Пахтакор" чемпион, жамоа таркибида тажрибали футболчилар кўп. Бу йигитлар эса биринчи марта йиғилдик. Аммо шундай бўлса ҳам барча футболчиларни тайниймиз, кўп билан дўстмиз.

Йиғин аъло даражада ўтди, янги мураббийлар штаби йигитлардан нима хоҳлашаётганини аниқ айтиб ўтишди.

20 июлда навбатдаги йиғин бошланади, ушбу йиғинда Ўзбекистон миллий терма жамоасига қарши иккита ўртоқлик учрашувини ўтказамиз.

Клубдаги фаолиятимга келсак "Қўқон-1912"ни тарк этдим. "Локомотив"га қайтиш ниятим бор, агар бу амалга ошмаса олий лиганинг бошқа клубида ўз кучимни синаб кўрмоқчиман. Тез орада бу ҳал бўлади", - дейди Қувондиқ Рўзиев.

Нарзулла Сайдуллаев ёзиб олди

Ссылка :

Источник : championat.asia

Получайте новости прямо в Telegram!

Рейтинг: