RU

Последние новости

05:55Суперлига. "Қўқон-1912" – "Бунёдкор" 2:2   0 01:58А Серия. "Рома" "Верона"ни, "Милан" эса "Наполи"ни мағлуб этди  13 23:57"Ливерпуль" ва "Реал" нидерландиялик иқтидор учун беллашади  5 23:28Ла Лига. "Барселона" "Реал Сосьедад"га қарши ўйинда камбэк қайд этди, Ямал тушганидан бир дақиқа ўтиб ғалаба голига ассистентлик қилди  63 23:13ОПЛ. "Сабаҳ" ўз уйида "Сумқайит" билан дуранг ўйнади, Раҳмоналиев тўлиқ ҳаракат қилди  0 22:52Илёс Зейтуллаев: "Майдонни бундай ажойиб ҳолатга келтирган инсонларга раҳмат. "Қўқон-1912"га қарши учрашувларимиз қизиқарли бўлмоқда"  4 22:43АПЛ. "Арсенал" "Ньюкасл"га қарши ўйинда камбэк қайд этиб, ғалабага эришди   22 22:20"Насаф"нинг "Ал Ҳилол"га қарши ўйиндан олдинги машғулотларидан ФОТОГАЛЕРЕЯ  1 21:45Баҳром Ҳайдаров: "Чиройли ўйин гувоҳига айландик, дуранг адолатли натижа"  1 21:19"Ал Ҳилол"нинг Қаршидаги машғулотларидан ФОТОГАЛЕРЕЯ  7 21:08Туркия Суперлигаси. Шомуродов гол урган ва Файзуллаев захирадан майдонга тушган ўйинда "Башакшехир" мағлуб бўлди, "Ризеспор"да ҳам 0 очко  21 20:44Симоне Инзаги: "Насаф" қанчалик кураш тақдим эта олишини Жиддада намойиш этди"  6 19:58"Ал Иттиҳод"да Бланнинг ўрнини таниқли мутахассис эгаллаши мумкин  6 19:35Матбуот анжумани. Рўзиқул Бердиев: "Ал Ҳилол"нинг салоҳияти ёки фамилиясидан қўрқишимиз эмас, майдонда боримизни бериб курашишимиз керак"  12 19:26Суперлига. "Бунёдкор" "Қўқон-1912" майдонида жанговар дуранг қайд этди  5

Қуръа АГМКга эски рақибларни туҳфа этди Новости

Қуръа АГМКга эски рақибларни туҳфа этди

АГМК матбуот хизмати Ўзбекистон Кубоги ва Лига Кубогига ташланган қуръа ва мусобақаларга оид олмалиқликлар ҳақидаги қизиқарли маълумотларни тақдим этди.

"Бугунги қуръага кўра, жамоамиз Лига Кубоги чорак финал баҳсини ўз уйида Бекободнинг "Металлург" клубига қарши ўтказади. Ўйин 14 август куни бўлиб ўтиши режалаштирилган. Қайд этиш керакки, АГМК ҳозиргача ўтказилган охирги 3та учрашувдан иккитасини айнан "Металлург"га қарши ўйнади. Дастлаб Лига Кубоги гуруҳ босқичида тўқнаш келган жамоалар, кейинроқ чемпионат доирасида ҳам ўзаро учрашишганди. Қизиғи, ҳар иккала баҳсда ҳам 1:1 ҳисобидаги дуранг қайд этилганди.

АГМК Суперлиганинг иккинчи даврасидаги илк баҳсни 27 июль куни айнан "Металлург"га қарши Бекободда бошлайди. Шунингдек, Лига Кубоги чорак финалига ташланган қуръа мазкур жамоаларни яна учраштирмоқда. Демак, жамоамиз қисқа фурсатда "Металлург" билан яна икки бор тўқнаш келади. Бу эса мазкур эски рақибларнинг жорий мавсумдаги ўзаро тўртинчи тўқнашувига айланади. Тошкент вилояти дербиси мақомидаги АГМК - "Металлург" қарама-қаршилигида ҳозирча ғолиб номи аниқланмай келмоқда. Бўлажак баҳсларда дерби ғолиби сифатида ҳар иккала мусобақадаги зафарли юришни давом эттиришга умид боғлаймиз.

Шунингдек, бугун Ўзбекистон Кубоги нимчорак финалига ҳам қуръа ташланди. Биласиз, АГМК мазкур мусобақанинг амалдаги ғолиби сифатида турнирга нимчорак финал босқичидан қўшилмоқда. Мазкур босқичдаги рақиб эса ўтган йили чорак финалда тўқнаш келган эски таниш, Муборакнинг "Машъал" жамоаси бўлди. Қуръа бу гал ҳам АГМКга "газчилар"ни рўбару қилди. Қуръага кўра, мазкур беллашув ҳам Олмалиқда ўтади.

Эслатиб ўтамиз, ўтган йили чорак финалда тўқнаш келган "Машъал"ни қўшимча таймлардаги киритилган голлар эвазига мағлуб этиб ярим финалга йўл олгандик. Бу гал ҳам ёқимли анъанани давом эттиришга ва кубок эгаси сифатида совринни муносиб ҳимоя қилишга жамоамиз қаттиқ бел боғлайди.

Тақвимга кўра, "Машъал"га қарши Ўзбекистон Кубоги нимчорак финал ўйинини 3/4 август куни ўтказамиз. Аниқ сана эртага ПФЛ томонидан эълон қилинади.

АГМКнинг мавсумнинг иккинчи қисмида ўтказадиган дастлабки 5 учрашуви қуйидагича:


Суперлига, 14-тур.

27 июль.

"Металлург" - АГМК (20:00)


Суперлига, 15-тур.

31 июль

АГМК - "Андижон"


Ўзбекистон Кубоги, нимчорак финал.

3/4 август

АГМК - "Машъал"


Суперлига, 16-тур.

11 август

"Навбаҳор" - АГМК


Лига Кубоги, чорак финал.

14 август

АГМК - "Металлург"

Қайд этиш керакки, Ўзбекистон Кубоги ва Лига Кубогидаги ҳар қандай босқичдаги тўқнашувлар бир учрашувдан иборат. Мезбон жамоа номи эса қуръага кўра аниқланади.

АГМК айни пайтда Суперлига турнир жадвалида 12 очко тўплаган ҳолда 10-ўринда бормоқда ва совринли ўринлар, яъни кучли-учлик орасидаги фарқ 9 очкони ташкил этган. Ўзбекистон Кубогидаги янги йўлга жамоамиз мусобақанинг амалдаги ғолиби сифатида чиқади. Тарихда илк бор ўтказилаётган Лига Кубогини эса жамоамиз муваффақиятли бошлаган ва гуруҳда мағлубиятсиз серия қайд этиб пешқадамга айланганди.

#AGMK #OKMK #BizBuBiz", - дейилади АГМК матбуот хизмати берган хабарда.

Рейтинг: +5   

Комментарии

championat.asia
< посмотреть последние новости
Яндекс.Метрика