"Қўқон-1912": Машғулотлар бошланди, таркибда ҳозирча ўзгаришлар йўқ

Машғулотларда мураббийлар асосан футболчиларнинг жисмоний ҳолатларини яхшилашга эътибор қаратмоқдалар. Ҳозирча жамоа таркибида ўзгаришлар кузатилгани йўқ.  Бироқ мураббийлар штаби таркибни кучайтириш мақсадида бир қатор футболчилар билан музокаралар олиб бормоқдалар. 3 январдан бошланадиган 2-йиғин мобайнида таркибда ўзгаришлар бўлиши кўзда тутилган. Сербиялик легионерлар Дарко Гожкович ҳамда Никола Валентичлар ҳозирда ўз юртларида бўлиб туришибди. Янги йилдан кейинги йиғинларда  улар ҳам таклиф қилинган.

Шунингдек бош мураббий бир қатор ёшларга ҳам эьтибор қаратмоқдалар. Ўринбосарлар таркибида ўйнаган айрим футболчилар ҳам ҳозирда асосий таркиб футболчилари сафига жалб қилинган.

Ўтган мавсумни иккинчи ярмида “Пахтакор” жамоасидан ижарага олинган ярим ҳимоячи Жавоҳир Сидиқов , ижара муддати тугаганлиги сабабли тошкентликлар сафида машғулотларда иштирок этмоқда. Сидиқовни келгуси мавсумда ҳам жамоага олиб келиш учун “Пахтакор” жамоаси раҳбарияти билан музокаралар олиб борилмоқда. Барчаси ижобий якунланса Жавоҳир Сидиқов ҳам янги йилдан кейинги йиғинларда жамоа сафига келиб қўшилади.

Қуйида кечгаги машғулотдан олинган фотосуратлар билан танишинг: