"Қизилқум"нинг 7 нафар футболчиси коронавирусга тест топширмаганми?
26 июл 2020 10:45
Новости

"Қизилқум"нинг 7 нафар футболчиси коронавирусга тест топширмаганми?

Хабарингиз бор, айни пайтда Ўзбекистон чемпионати клублари мажбурий танаффусга чиқишган.

3 август куни Coca Cola Суперлигаси давом эттирилиши ҳақида хабар берилди. Унга қадар барча клублар коронавирус учун тест топширишлари ва бу борада ПФЛга ҳисобот топширишлари назарда тутилганди.

Бир қатор клубларимиз коронавирус учун тест топширишди ва ПФЛ расмий сайтида бу борада хабарлар чиқди. Бироқ "Қизилқум" клуби тақдим этган рўйхат эътиборимизни тортди.

Ушбу рўйхатда 7 нафар асосий таркиб футболчиси ўрин олмаган. Булар:

Абди Башимов
Муҳсин Убайдуллаев
Салим Мустафоев
Везиргелди Ильясов
Дониёр Усмонов
Воҳид Шодиев
Суннатилла Абдуллажонов.

Хўш, улар тест топширишмаганми ёки тест топширишгану шунчаки рўйхатдан тушиб қолишганми? Бу борада "Қизилқум" клуби ва ПФЛдан расмий хабар кутиб қоламиз.