"Қизилқум": Навоийда аккредитация давом этади

Навбатдаги миллий чемпионат баҳслари бошланишига тобора оз фурсат қолмоқда. Янги мавсумда ҳам “Қизилқум” ПФК  Навоий шаҳрида жамоамиз иштирокида бўладиган Ўзбекистон кубоги ва мамлакат чемпионати учрашувларида журналистлар учун қулайлик яратишни режалаштирган.

Жумладан, оммавий ахборот воситалари ва матбуот ходимларининг ўйинларни махсус сектордан бепул томоша қилишлари, учрашувлар якунида уюштириладиган матбуот анжуманларида иштирок этишлари, шунингдек, ТВ операторлари ҳамда фотомухбирларнинг стадионда фаолият юритиши имконини берувчи махсус рухсатнома (бейжик)лар тақдим этилади.

Бунинг учун ОАВ ва матбуот ходимлари ўзлари ишлаётган корхонадан “Қизилқум” ПФК бош менежери Ҳамиджон Ғуломович Актамов номига хат, икки дона 3Х4 ҳажмдаги сурат ҳамда паспорт нусхасини тақдим этишлари талаб қилинади.

Ҳужжатлар қабул қилиш шу йилнинг 2 мартига қадар давом этади.

Мурожаат учун телефонлар: (0436) 2231503, +998998339634.

Эслатиб ўтамиз, “Қизилқум” футболчилари илк турни 5 март куни ўз майдонида “Машъал” (Муборак) жамоасига қарши ўтказади. Учрашув соат 17.00 да бошланади.