“Қизилқум” мухлислари диққатига!
24 фев 2016 10:25
Новости

“Қизилқум” мухлислари диққатига!

Яна саноқли кунлардан сўнг, Ўзбекистон XXVмиллий чемпионати олий лига жамоалари учрашувлари бошланади. Бу дамларни кўпсонли мухлисларимиз сабрсизлик ва интизорлик билан кутишмоқда.

Жумладан, Навоийнинг “Қизилқум” жамоаси дастлабки турни ўз майдонида Муборакнинг “Машъал” футболчиларига қарши ўтказади. Бу ўйин 5 март куни шаҳримизнинг “Умид” қўрғонида қад ростлаган “Ёшлар” спорт мажмуаси стадионида ўтказилади.

Янги мавсумда “Қизилқум” мухлислар клуби ўз суюклиларини ҳар бир учрашув давомида янада уюшқоқлик билан қўллаб-қувватлашни режалаштиришмоқда. Бу борада мухлислар клуби фаоллари бир қатор лойиҳаларни тайёрлашга киришганлар.

Шу муносабат билан “Қизилқум” ПФК Мухлислар клуби 28 февраль куни илк расмий йиғилишини ўтказади. Клуб етакчиси, Шаҳриддин Ишназаровнинг билдиришича, унда янги мавсум режа ва таклифлари бўйича фикр алмашилинади. Мухлислар клубига аъзо бўлиш тартиб-қоидалари тушунтирилади.

Эслатиб ўтамиз, “Қизилқум” ПФК Мухлислар клуби йиғилиши Навоий шаҳридаги “Ёшлар” спорт мажмуасида бўлиб ўтади. Тадбир 28 февраль куни соат 10.00 да бошланади.

Ссылка :

Источник : fcqizilqum.uz

Получайте новости прямо в Telegram!

Рейтинг: +1