RU

Последние новости

16:26Эрон терма жамоаси асосий дарвозабони 4 ойга дисквалификация қилинди  0 16:03"Манчестер Юнайтед" либосларининг орқа томонига уч нафар афсонанинг исмини ёздириш тақиқланди  0 15:47"Барселона" ва "Реал" афсоналари Месси ўйнайдиган стадионда учрашади  0 15:20Аргентиналик юлдуз МЮни "Челси"га алмаштирмоқчи  0 14:53Илёс Зейтуллаев: "Орзу қилиш зарар қилмайди, охиригача курашамиз!"  0 14:25"Пахтакор" собиқ устози Саудия Арабистони клубида иш бошлади  3 14:01Моуриньо "Вильярреал"га йўл олди  4 13:38"Манчестер Юнайтед" янги ярим ҳимоячи топди  0 12:37"Ливерпуль" Родриго билан шартнома борасида музокара ўтказди  6 12:14Санчо "Боруссия"га қайтиш учун маошини икки баробарга қисқартиришга тайёр  1 12:03Роҳатижон  8 11:48Париж клуби "Барселона" футболчисига кўз тикди  1 11:20Breaking! Сон "Тоттенхэм"ни тарк этишини эълон қилди: "Ҳаётимдаги энг қийин қарорлардан бири". Ҳужумчи АҚШга йўл олиши мумкин  2 10:42Милнер янги мавсумда Жотанинг хотираси учун янги рақамда ҳаракат қилади  1 10:13"Ал Ҳилол" "Ливерпуль" футболчиси учун курашда етакчилик қилмоқда  3

Қирғиз Республикаси етакчиси "Барселона" президенти билан учрашди Новости

Қирғиз Республикаси етакчиси "Барселона" президенти билан учрашди

Бугун Қирғиз Республикаси Президенти Садир Жапаров Испаниянинг “Барселона” футбол клуби президенти Жоан Лапорта билан учрашди. Бу ҳақда давлат раҳбари матбуот хизмати хабар берди.

Президент Жапаров фахрий меҳмонни илиқ кутиб олди ҳамда бир асрлик тарихга эга клубнинг Қирғиз Республикасига ташрифи барча қирғизистонликлар учун улкан ғурур эканлигини таъкидлади.

Шу билан бирга, Садир Жапаров Жоан Лапорта бошқарувида каталонияликлар шарафини Роналдиньо, Месси, Пуйол, Хави, Иньеста, Неймар каби таниқли футболчилар ҳимоя қилганини ва клубнинг изчил ривожланишига қўшган ҳиссасини таъкидлади. Улар ўзларининг ажойиб қобилиятлари билан бир неча бор Испания чемпиони ва Чемпионлар лигаси ғолибига айланишган.

“Клуб футбол, футзал, гандбол, баскетбол, волейбол, регби ва енгил атлетика бўйича жамоаларини ривожлантиришни қўллаб-қувватлайди. Бу ёндашув “Барселона”ни чинакам машҳур клубга айлантирган. Сизнинг саъй-ҳаракатларингиз, кучли иродангиз ва тинимсиз меҳнатингиз туфайли бу мақом сақланиб қолмоқда. Сизнинг раҳбарлигингизда футбол клуби Қатарда ўтказилган сўнгги жаҳон чемпионатида рекорд ўрнатди, унда “Барселона”нинг 17 нафар футболчиси ўз терма жамоалари шарафини ҳимоя қилди”, — деди Садир Жапаров.

Давлат раҳбари Қирғиз Республикасида илк бор “Барселона” академиясининг очилиши миллий терма жамоанинг профессионал даражада юксалиши учун имкониятлар яратиши, шунингдек, туризм, спорт, инвестициялар ва бошқа соҳаларни ривожлантиришга ижобий мультипликатив таъсир кўрсатишини таъкидлади.

Ўз навбатида, Каталония жамоаси президенти “Барселона” ўз принциплари, қадриятлари ва ўйин услубини турли спорт турларида тарғиб қилишини таъкидлади ҳамда Садир Жапаровга Марказий Осиёда спорт ташкилоти тажрибасини оммалаштириш ташаббусини қўллаб-қувватлагани учун миннатдорчилик билдирди.

Жоан Лапорта Қирғиз Республикасида очилаётган янги “Барселона” футбол академияси клубнинг бой тарихига асосланган ҳолда спортчиларнинг шахсий ўсишига ҳисса қўшишига, уларнинг салоҳиятини максимал даражада оширишга, шунингдек, мухлисларнинг спортга бўлган муносабатини ижобий томонга ўзгартиришига ишонч билдирди.

Учрашув сўнгида Садир Жапаров Қирғиз Республикасида “Барселона” футбол академиясининг очилишида кўрсатган ёрдами ва шу муносабат билан ўтказилган тадбирларда шахсан иштирок этгани учун Жоан Лапортага яна бир бор миннатдорчилик билдирди.

Рейтинг: +6   

Комментарии

championat.asia
< посмотреть последние новости
Яндекс.Метрика