Қатар клуби футболчининг трансфери учун пулни фирибгарларга жўнатди

Бухарест клуби футболчининг Қатар жамоасига трансфери учун 5,25 млн евро олиши керак. Бироқ "Стяуа" эгаси Жижи Бекалининг сўзларига кўра, "Ал Гарафа"дагилар пулни бошқа ҳисоб рақамига ўтказган.

"Улар пул бердик дейишди, лекин алданиб Вьетнамга ўтказиб юборишган. Мен Флоринел Коман учун пул олмадим. Энди улар 6 млн тўлашлари лозим, биз ФИФАга шикоят қилдик.

Биз уларга ҳисоб маълумотларини юборгандик, бу электрон маълумотлар. Улар бизга ҳисоб-фактура юборганимизни айтишди, лекин баъзи хакерлар почтани бузиб, уларга бошқа ҳисоб рақамини юборишган...

ФИФАга шикоят қилдик, яна миллион беришсин, бу бизга маълум маънода яхши... олти миллионли бўламиз! Улар тергов бошланганини айтишди. Биз пулни 31 августгача олишимиз керак. Агар бундай бўлмаса, бизга жарима тариқасида яна миллион тўлашлари керак бўлади", – деди Бекали.