Қатар чемпионати. Манжукич ва Рашидовнинг голлари ҳисобланмаган баҳсда дуранг қайд этилди
04 янв 2020 22:15
Новости

Қатар чемпионати. Манжукич ва Рашидовнинг голлари ҳисобланмаган баҳсда дуранг қайд этилди

Қатар Юлдузлар Лигаси 12 тури доирасида Сардор Рашидов ҳаракат қилаётган “Қатар СК” меҳмонда мусобақа пешқадами “Ал-Дуҳаил”га қарши ўйнади.

Мезбонлар сафида хорватиялик форвард Марио Манчукич дебют қилди ва 13 дақиқада рақиб дарвозасини ишғол этганди. Аммо учрашув ҳаками VAR'га мурожаат қилиб, Марионинг голи ўйиндан ташқари ҳолатда урилгани боис уни бекор қилди. Бироздан сўнг Сардор Рашидовнинг голи ҳам офсайд туфайли ҳисобга олинмади. Шу тариқа, ўйин нурсиз дуранг билан якунланди.

Бугунги баҳсдан кейин “Ал-Дуҳаил” очколари сонини 30тага етказиб, пешқадамлик қилишда давом этмоқда. "Қатар СК" эса 13 очко тўплаган ҳолда 8 поғонада бормоқда.

“Ал-Дуҳаил” – “Қатар СК” 0:0 (0:0, 0:0)
"Thani bin Jassim Stadium"
Ҳисобга олинмаган голлар: Марио Манжукич 13 (офсайд), Сардор Рашидов 20 (офсайд).