Қашқадарё футбол академияси иштирокида тадбирлар давом этади + ФОТО

Хусусан, Қашқадарё вилоят болалар-ўсмирлар футбол академияси тарбияланувчилари ва уларнинг устоз-мураббийлари иштирокида умумтаълим фанларидан таҳсил оладиган Қарши шаҳридаги 47-умумий ўрта таълим мактабида “Конститутция - бахтимиз, қомусимиз” номли маънавий-маърифий тадбир ўтказилди. 

Эътиборлиси, мазкур тадбирга пухта тайёргарлик кўрган ўқувчилар саҳнада туриб, Констутицияда келтирилган моддаларни ёд олган олган ҳолда айтиб бериши, турли кўргазмали воситалар ёрдамида шарҳлаб бериши тадбирга йиғилганлар эътирофига сазовор бўлишди.

Шунингдек, академия ўқувчилари ва уларнинг устозлари ҳамда вилоят футбол ассоциацияси ҳамкорлигида 3 декбрь - Халқаро ногиронлар куни муносабати билан Қарши шаҳридаги “Мурувват” интернат уйида бўлишиб, хайрия тадбири ўтказишди.

Хабарингиз бор, ҳар йили мамлакатимизда Халқаро ногиронлар куни кенг нишонланади. Мақсад, ногиронларга ижтимоий ёрдам кўрсатиш, маънавий қўллаб-қувватлаш, уларнинг жамиятда ўз ўринларини эгаллашларига кўмаклашиш сингари бир қатор хайрли ишларни амалга ошириш. 

Академиянинг ёш футболчилари, маъмурияти ҳамда футбол ассоциацияси вакиллари ташрифидан хурсанд бўлган “Мурувват” уйи тарбияланувчилари, айниқса, жажжи ўғил-қизлар бундайин илтифотдан мамнун эканликларини  кўрсангиз эди…

Ташриф сўнггида болажонларга совға-саломлар улашилди. 

Илҳом РАҲМОНОВ, ўз мухбиримиз