"ПСЖ - Франция чемпиони"
30 апр 2020 16:57
Новости

"ПСЖ - Франция чемпиони"

ПСЖ Лига 1'нинг муддатидан олдин якунлангани сабабли Франция чемпиони деб топилди.

Бу ҳақда мамлакатдаги таниқли L'Equipe нашри бош муҳаррири ўринбосари Жоэль Доменигетти хабар бермоқда.

"Чемпионатлар тугади. Жадвалдаги ўринлар сақланиб қолинди. ПСЖ - Лига 1 чемпиони", - деб ёзади журналист ўз твиттер саҳифасида.

Парижликлардан ташқари Чемпионлар Лигасида "Марсель" ва "Ренн" клублари иштирок этади. "Лилль", "Реймс" ва "Ницца" жамоалари эса Европа Лигасида қатнашишади. Қизиғи "Лион" еврокубоклардан четда қолиб кетмоқда.

Юқори дивизиондан "Амьен" ва "Тулуза" қуйи дивизионга тушиб кетишса, Лига 2'дан "Лорьян" ва "Ланс" клублари олий лигага йўлланма олишади.

Коронавирус сабаб чемпионат тўхтаб қолган пайтда ПСЖ "Марсель"дан 12 очко илгарилаб кетган ҳолда, етакчилик қилаётган эди.

Ссылка :

Источник : twitter.com/jdomenighetti

Получайте новости прямо в Telegram!

Рейтинг: -14