ПСЖ бугун Шкриньяр учун 15+5 млн евро таклиф қилади

Парижликлар бугун ёзда эркин агентга айланадиган марказий ҳимоячи учун 15+5 миллион евро таклиф қилишлари мумкин. "Интер" эса словакиялик футболчи учун бонуслар билан бирга 20 млн евро талаб қилмоқда. Шу туфайли клублар ҳалигача келишувга эриша олганлари йўқ.

Вазият кўп жиҳатдан "Интер"нинг Шкриньярга ўринбосар топа олишига боғлиқ. "Нерадзурри" "Манчестер Юнайтед" аъзоси Виктор Линделёф бўйича музокараларда муваффақиятсизликка учраганидан сўнг "Аталанта" футболчиси Мерих Демиралга ўтди. Милан клуби душанба куни юборган таклифига рад жавобини олди. 

ПСЖ президенти Носир Ал-Хелайфи айни пайтда музокараларни якунлаш учун Италияда.

27 ёшли футболчи жорий мавсумда А Серия клуби сафида 27 та ўйинда майдонга тушди.