Превью. "Сурхон" - "Локомотив"

Ўзбекистоннинг амалдаги чемпиони "Локомотив" эртага сафарда "Сурхон" меҳмони бўлади. Учрашув 18:00да старт олади ва "Спорт" телеканали орқали тўғридан-тўғри намойиш этилади. Қуйида ўйинга доир баъзи маълумотларни келтириб ўтамиз. 

Турнир жадвалидаги ҳолат 

- "Сурхон" Суперлига жадвалида 15та ўйиндан сўнг 21 очко билан 7-ўринда боряпти. Жамоа 6 мартадан ғалаба ва мағлубият қайд этган, шунингдек 3 марта дуранг ўйнаган. Тўплар нисбати 15-21. 

- "Локомотив" турнир жадвалида 2-ўринни эгаллаб турибди. "Темирйўлчилар" 15 ўйинда 30 очко тўплашган. "Локо" 9 бор зафар қучиб, уч мартадан дуранг ва мағлубият қайд этган. Тўплар нисбати 26-11. 

"Сурхон"

- Термизнинг "Сурхон" клуби эртага ўз майдонида 9-баҳсини ўтказади. Аввалги 8та ўйиннинг тўрттасида майдон эгалари ғалаба қозонган. Учта беллашув дуранг билан якун топган ва фақат бир ўйинда "Сурхон" мағлуб бўлган. Уйдаги ўйинларда тўплар нисбати 8-5. 

- "Сурхон"нинг ўз уйидаги ягона мағлубияти 14-турда рўй берди. Жамоа "Насаф" билан кечган баҳсда 1:3 ҳисобида ютқазиб қўйди. 

- "Сурхон" бу йил фақат сафарда "Сўғдиёна" дарвозасига 3та тўп кирита олди. "Бунёдкор" дарвозасини икки бор аниқ нишонга олган. Қолган ўйинларда биттадан кўп гол ура олмай келяпти. 

- Иккинчи давранинг дастлабки икки турида бу жамоа ўз дарвозасидан 6та гол ўтказиб юборди: "Насаф" (1:3) ва "Бунёдкор" (0:3). 

- "Сурхон" қаторасига учта турдан бери фақат мағлуб бўляпти. Бу жамоа охирги марта ўз уйида "Бунёдкор"ни 2:0 ҳисобида енган. 

- "Сурхон" шу пайтгача Ўзбекистон чемпионатида "Локо" билан уч марта ўйнаб, бирортасида ғалаба қозонмаган. 

"Локомотив"

- "Локомотив" иккинчи даврани мағлубият билан бошлади ва кейинги турда ғалабага эришди. "Локо" биринчи даврада ўз майдонида "Сурхон"ни 5:1 ҳисобида мағлуб этган. 

- Бу "Локомотив" учун сафардаги еттинчи учрашув бўлади. Жамоа шу пайтгача икки бор ғалаба қозониб, бир марта дуранг ўйнаган ва 3та беллашувда имкониятни бой берган. Сафар баҳсларида тўплар нисбати 5-6.

- "Локомотив" сафарда кетма-кет иккинчи ўйиндирки мағлубиятга учради. Эртага "темирйўлчилар" нохуш анъанага барҳам беришга ҳаракат қилишади. 

- "Локомотив" чемпионат доирасида шу пайтгача Термизда фақат битта ўйин ўтказган бўлиб (2004 йил), мазкур баҳс 0:0 ҳисобида якун топган.