Превью. "Пахтакор" - "Қизилқум"

«Пахтакор» (Тошкент) - «Қизилқум» (Навоий)
21 август 2015. Тошкент. "Пахтакор" стадиони. 18:30
Ҳакамлар: В. Коваленко (Тошкент), Р. Фозилов (Наманган), М. Мажидов (Наманган), Н. Қосимов (Қарши)
Назоратчи: Р. Айтеков (Тошкент).
ПФЛ вакили: А. Худойдотов.

“Қизилқум” ва “Пахтакор” олий лигада 31 бора тўқнаш келишган. Натижалар “Пахтакор”нинг катта устунлигини кўрсатмоқда. “Шерлар” ўзаро ўйинларда 26 марта ғалаба қозонишган. 4та баҳсда дуранг қайд этилган. “Қизилқум” фақат бир марта “Пахтакор”ни таслим қила олган. Тўплар нисбатида ҳам устунлик “шерлар”да 85:17. “Пахтакор” ўзаро ўйинларда 82 очкога эга бўлган, “Қизилқум” ўз ҳисобига 7 очко ёзиб қўя олган. Тошкент клубининг “Қизилқум” устидан қозонган энг йирик ғалабаси 11:0га тенг бўлса, “Қизилқум”да бу кўрсаткич 2:1га тенг.

Биринчи даврада Навоийда кечган учрашувда тошкентликлар иккинчи бўлимдаги голлар эвазига ғолиб бўлишганди. Станислав Андреев ва Александр Мерзляков “Қизилқум” дарвозасига гол уришганди – 0:2.

Тошкентда ўтган сўнгги беш учрашув:
29.03.2014 «Пахтакор» - «Қизилқум» 1:0
14.09.2013 «Пахтакор» - «Қизилқум» 1:0
21.05.2012 «Пахтакор» - «Қизилқум» 4:0
05.03.2011 «Пахтакор» - «Қизилқум» 2:0
13.06.2010 «Пахтакор» - «Қизилқум» 0:0

Ўзаро ўйинлар ҳақида факт: “Пахтакор” ўз майдонида ушбу рақибни 12 марта мағлуб этган. 2та баҳсда эса дуранг қайд этилган. “Қизилқум” сафарда фақат бир марта (2001 йил) ғолиб бўлган.  “Пахтакор” ўз уйида охирги 5та ўйинда умуман гол ўтказмаган.