Превью: "Пахтакор" - "Динамо"

Баҳром Ҳакимов бошчилигидаги "Динамо" айни пайтда олий лигада ўрнини сақлаб қолиш учун кураш олиб боряпти. Самарқандликлар ҳар бир беллашувда ўзлари учун муҳим саналган очкони қўлга киритишга интилишмоқда. Бу жамоа осонликча таслим бўлмаслиги табиий ҳол.

Жамоалар олий лигада 43 бор тўқнаш келишган. "Пахтакор" 34 ўйинда ғолиб бўлган, "Динамо" 5 марта ғалаба қозонган. 4 ўйинда дуранг қайд этилган. Тўплар нисбатида катта устунлик "Пахтакор" томонида - 86:22.

Жамоамиз Тошкентда бўлиб ўтган 21та ўйиннинг 20тасида зафар қучган. "Динамо" Тошкентдан фақат бир марта (2000 йил) уч очко билан қайтган. Пойтахтдаги охирги 14 ўйинда "Пахтакор" зафар қучиб келмоқда.

Биринчи даврада Игорь Сергеев томонидан урилган гол "Пахтакор"га Самарқандда ғалаба келтирган эди - 0:1.

Ёшлар таркиблари ўйини 25 октябрь, якшанба куни соат 15:00да Қибрайдаги стадионда бошланади. Асосий жамоалар баҳси 26 октябрь, душанба куни соат 17:00да "Пахтакор" стадионида старт олади.

Беллашувни Азиз Асимов бошчилигидаги ҳакамлар гуруҳи бошқаради. У жорий мавсумда "Қизилқум" ва "Сўғдиёна"га қарши сафарда ўтказилган ўйинларимизни бошқарган ва ҳар иккисида жамоамизнинг қўли баланд келган.

Чипталар "Пахтакор" стадиони кассаларида 5 ва 15 минг сўмдан сотилади.

"ПАХТАКОР" - "ДИНАМО"

Ҳакамлар: Азиз Асимов (Тошкент), Тимур Галеев (Тошкент), Акбар Пўлатов (Тошкент), Даулетбой Жалимов (Нукус).

Назоратчи: Гали Имомов (Тошкент).