Превью. "Олмалиқ" - "Қизилқум"

«ОЛМАЛИҚ» – «ҚИЗИЛҚУМ»
26 апрель. Олмалиқ. "Олмалиқ" стадиони. 17:30.
Ҳакамлар: Ш.Қосимов, А.Усмонов, Т.Гайнулин, И.Гармашов
Назоратчи: А.Арутюнов.

“Олмалиқ” ва “Қизилқум” олий лигада 12 марта тўқнаш келишган. Ушбу ўйинлардан 6тасида олмалиқликлар ғолиб бўлишган. 2та ўйин дуранг ҳисобида якунланган, “Қизилқум” ҳисобида 4та ғалаба мавжуд.

“Олмалиқ” шу кунгача ўзаро ўйинларда “Қизилқум” дарвозасига 22та тўп киритган, навоийликлар эса “Олмалиқ” дарвозасига 17та гол уришган. “Олмалиқ”  ўзаро ўйинларда 20 очко ишлаб олган бўлса, “Қизилқум” 14 очкони қўлга кирита олган. “Олмалиқ”нинг олий лигада “Қизилқум” устидан эришган энг йирик ғалабаси 5:1 ни ташкил қилади. “Қизилқум”нинг йирик ғалабаси эса 4:2.
 
Ўтган мавсумда қайси жамоа ўз уйида ўйнаган бўлса ўша жамоа ғолиб бўлган.  2-турда Олмалиқдаги баҳсда Шахбоз Эркинов ва Мўйдин Мамазулумов мезбонлар сафида ўзини кўрсатишган. Бунга Олим Навкаров битта тўп билан жавоб берган – 2:1. Навоийдаги учрашувда жами 6та гол урилган. “Қизилқум” сафида Алишер Холиқов, Руслан Санаев, Азизбек Усмонов ҳамда Зафар Тўраев тўп киритган. Асқар Муҳиддинов ўз дарвозасини ишғол қилиб қўйган бўлса Дилявер Абибуллаев “Қизилқум” дарвозасига тўп киритган – 4:2.

Олмалиқда ўтган сўнгги беш учрашув:
09.03.2013 «Олмалиқ» - «Қизилқум» 2:1
22.04.2012 «Олмалиқ» - «Қизилқум» 2:2
31.07.2011 «Олмалиқ» - «Қизилқум» 2:1
21.08.2010 «Олмалиқ» - «Қизилқум» 5:1
17.10.2009 «Олмалиқ» - «Қизилқум» 2:0

Ўзаро ўйинлар ҳақида факт: “Олмалиқ” ўз уйида ўтган 6та ўйиннинг 5тасида ғолиб бўлган. Фақат 2012 йил бўлиб ўтган ўйинда “Қизилқум” сафарда дурангга эриша олган.