Превью. "Машъал" - "Навбаҳор"

«МАШЪАЛ» – «НАВБАҲОР»
6 июнь. Муборак. Баҳром Вафоев номидаги стадион. 18:30
Ҳакамлар: Б.Намозов, В.Лушин, А.Маражабов, Д.Досанов.
Назоратчи: Р.Айтеков.

“Машъал” ва “Навбаҳор” олий лигада жами 26 бора тўқнаш келишган. Натижалар тенгликни кўрсатмоқда. Иккала жамоа 10тадан ўйинда ғолиб бўлишган. 6та  ўйинда дуранг қайд этилган. Тўплар нисбатида ҳам “Навбаҳор” олдинда - 34:29. Ўзаро ўйинларда “Навбаҳор” ҳам, “Машъал” ҳам 36тадан очкони  қўлга киритган.

“Навбаҳор”нинг ўзаро ўйинларда қозонган энг йирик ғалабаси – 8:0 га тенг. “Машъал”да бу кўрсаткич 5:0 бўлиб турибди.

Ўтган мавсумда “Машъал” олий лигада қатнашмаган. 2012 йилда бу жамоалар ўртасидаги баҳсларнинг биринчиси Муборакда бўлиб ўтган. Элдор Эргашев ва Игорь Петковичнинг голлари “Машъал”га уч очко келтирганди – 2:0. Водийдаги баҳсда Абдураззоқ Жўраев ҳамда Собир Ҳамидов меҳмонлар дарвозасига гол уришган. Иккинчи бўлим сўнггида Милорад Рисанович ва Самандар Шодмоновнинг киритган тўплари учрашув дуранг билан тугашини таъминлаган – 2:2.

Муборакда ўтган сўнгги беш учрашув:
30.06.2012  “Машъал”  –  “Навбаҳор”  2:0
14.06.2011  “Машъал”  –  “Навбаҳор”  2:0
31.10.2010  “Машъал”  –  “Навбаҳор”  2:0
15.08.2009  “Машъал”  –  “Навбаҳор”  3:1
16.08.2008  “Машъал”  –  “Навбаҳор”  5:0

Ўзаро ўйинлар ҳақида факт : Бу жамоаларнинг Муборакда ўтган ўйинларида “Машъал” 8 бор зафар қучган. Икки бор ғолибни аниқлашнинг имкони бўлмаган. “Лочинлар” ҳисобида 2та ғалаба мавжуд. Сўнгги марта 2004 йили “Навбаҳор” Муборакдан ғалаба билан қайтган. Шундан кейин ташкил этилган 8та учрашувда Наманган клуби фақат мағлуб бўлган.