Португалия клублари Ойбек Бозоровни кузатиб бормоқда

"Ойбек Бозоровга ёзда Эроннинг "Сепахон" клуби қизиқиш билдирди. Бош мураббийга футболчининг ҳаракатлари маъқул келди, аммо "Насаф"дан унинг трансферини сотиб олиш қимматлик қилди.

Қатарнинг "Умм Салал" клуби ҳам уни ўз таркибида кўришга яқин эди, бироқ икки ойлик маошни бериб, шартномани исталган пайт бекор қилиш ҳуқуқи клубда бўлгани учун Бозоров бу клубга боришни хоҳламади. 

Португалия олий дивизион клублари футболчини кузатишда давом этмоқда, бироқ тушунарлики, у ерда футболчимизнинг маоши Эрон ёки Қатардагидек катта бўлмайди", – дейилади хабарда.

28 ёшли хавбек жорий мавсум "Насаф" сафида 17 ўйинда майдонга тушиб, 4 та тўп киритди ҳамда 7 та голга ассистентлик қилди. Transfermarkt портали уни 800 минг еврога баҳолмоқда.