Погба бугун "Перт Глори"га қарши ўйнаши мумкин, Лукаку эса қайдномада ҳам йўқ. МЮ асосий таркибни эълон қилди

Бугун МЮ маҳаллий "Перт Глори" жамоасига қарши илк ўртоқлик ўйинини ўтказади. Оле-Гуннар Сульшер Тошкент вақти билан 16:00да старт оладиган беллашув учун асосий таркибни маълум қилди. Жамоага янги келган вингер Дэниель Жеймс учрашувни асосий таркибда бошлайди, ёзда харид қилинган бошқа бир футболчи Аарон Ван-Биссака эса қайдномага киритилган. Шунингдек, клубдан кетиш арафасида турган бўлиш эҳтимоли бор бўлганлардан Поль Погба захирада ўтирадиган бўлса, Ромелу Лукаку умуман қайдномада ҳам йўқ. Эслатиб ўтамиз, куни кеча "Интер" ва МЮ вакиллари Лукаку трансфери борасида дастлабки расмий музокара олиб боришган эди.

Ўртоқлик ўйини

13.07.2019, 16:00

"Оптус стэдиум"

"Манчестер Юнайтед" - "Перт Глори"

"Манчестер Юнайтед": Серхио Ромеро, Диогу Далот, Аксель Туанзебе, Фил Жонс, Эшли Янг, Андреас Перейра, Неманья Матич, Таҳит Чонг, Жесси Лингард, Дэниель Жеймс, Антони Марсьяль.

Захира: Давид Де Хеа, Жоэл Перейра, Маркос Рохо, Люк Шоу, Крис Смоллинг, Аарон Ван-Биссака, Жеймс Гарнер, Анхел Гомес, Хуан Мата, Скотт Мактоминей, Поль Погба, Мейсон Гринвуд, Маркус Рэшфорд.

Бугунги учрашув ўтказиладиган "Оптус стэдиум".

МЮ кеча тақдимоти бўлиб ўтган янги мавсум учун сафар либосида тўп тепади.

"Манчестер Юнайтед" - "Перт Глори" учрашувидан 2 соат олдин олинган сурат. Кўриб турганингиздек мухлислар бугун стадионни тўлдиришмоқчи.

Далотлар оиласи ҳам МЮ ва Диогу Далотни қўллаб-қувватлаш учун Пертга учиб келишди.