Почеттино: "Боруссия" биздан бир кун кўп дам олади"
11 фев 2019 16:38
Новости

Почеттино: "Боруссия" биздан бир кун кўп дам олади"

Теги : Чемпионлар лигаси Маурисио Почеттино

"Тоттенхэм" бош мураббийи Маурисио Почеттино Дортмунднинг "Боруссия" клубига қарши Чемпионлар лигаси баҳсидан олдин тақвимдан нолиди.

"Жуда хафаман. Боруссия" ва биз якшанба куни ўйнаб, чоршанбада учрашганимизда индамаган бўлардим. Аммо биз нега бундай ноқулай вазиятда эканлигимизни тушунмаяпман.

Рақиб бир кун кўп дам олади, бу эса плей-оффда катта устунлик бериши мумкин. Бу биз курашмаймиз дегани эмас. Мен шунчаки вазиятни тушунтирмоқчиман.

"Лестер"га қарши ўйнаш учун бир ҳафтамиз бор эди, ўйин бошқа кунга кўчирилмади. Бундай ҳолатда учрашувга тайёргарлик кўриш қийин.

Бундан ташқари, биз яқиндагина тақвим зич бўлган ойни якунладик. Январь ойида Германия, Испания ва Италия клублари дам олишади.

Агар рақиб билан бир даражада бўлишни истасанг, вазият бир хил бўлиши керак. Шу сабабли хафаман" - дейди Почеттино.

Ссылка :

Источник : 101 Great goals

Получайте новости прямо в Telegram!

Рейтинг: +1