Питер Хюистра: "Пахтакор" Ўзбекистон кубогини юта олмайди? Балки "Қизилқум" бош мураббийи кўпроқ нарсани билар"

"Илк дақиқалардан бошлаб хавфли вазиятлар яратишга уриндик. Рақибга босим уюштириш йўлини топдик. Мезбонлар фақат стандарт вазиятлардагина кескинлик юзага келтира олишди. Ўйиндаги устунлик тўлиқ жамоамиз томонида бўлди. Захирадан майдонга тушган футболчилар ҳам ўйин суратини сақлаб қолишди.  "Пахтакор"нинг  "Локомотив" ва "Бунёдкор"га қарши баҳслари доим шиддатли ўтади. Футболчиларнинг ҳаракатларидан кўнглим тўлди",- дейди Питер Хюистра. 

-"Локомотив"дан шу даражада бўш ўйин кутганмидингиз?

- Рақиб яхши ўзинг кўрсатадиган жамоа. Биз уларга ҳимоядан ҳужумга ўтиш вақтидаёқ босим уюштирдик. Бўш худудлар бермадик. 

- Шерзод Аъзамов ва Хожиакбар Алижоновнинг ҳолати ҳақида нима дея оласиз?

- Шерзод Аъзамов ҳали юз фоиз тайёр эмас. Хожиакбар Алижонов терма жамоадан жароҳат билан қайтган. Жамоада 24 нафар футболчи бор. Уларнинг ҳар бири имконият олишга ҳақли. Боян Матичнинг сўнгги пайтларда соғлиғи билан боғлиқ муаммоси бор эди. Бугун унга имконият бердик. Лекин оёғида бироз оғриғи бор. 

- Мавсум деярли якунланди. Энг яхши ва ёмон 3та майдонни айта оласизми?

-  "Пахтакор",  "Локомотив",  "Насаф" майдонлари яхши ҳолатда. Қолган майдонларни ичидан ёмонини танлаб олса бўлади. 

- "Қизилқум" бош мураббийи ишонч билан "Пахтакор" бу йил Ўзбекистон кубогини юта олмаслигини айтди. Бунга фикрингиз қандай?

- Балки, "Қизилқум" бош мураббийи кўпроқ нарсани билар. Лекин биз ҳаракат қиламиз.