Пирло фаолиятини якунлади, у бугун мухлислар билан хайрлашди
06 ноя 2017 22:38
Новости

Пирло фаолиятини якунлади, у бугун мухлислар билан хайрлашди

Бугун италиялик афсонавий футболчи Андреа Пирло 38 ёшида футболчилик фаолиятини якунлаганини эълон қилди.

Ярим ҳимоячи бу ҳақда ўзининг “Твиттер”даги саҳифасида хабар қолдирди.

“MLS чемпионатидаги сўнгги ўйиним. “Нью-Йорк Сити”даги фаолиятим деярли якунига етиб келди. Шу боис, жамоа раҳбарияти, мураббийлар штаби, футболчилар ҳамда мухлисларга бир неча йиллик ҳамкорлик учун ўз миннатдорчилигимни билдираман. Ҳаммаси учун раҳмат”, - деди Пирло.

Маълумот учун, “Милан” ва “Ювентус” клубларининг собиқ футболчиси “Нью-Йорк Сити” жамоаси сафига 2015 йилнинг ёзида келиб қўшилганди. Андреа Италия терма жамоаси сафида 116 та ўйинда майдонга тушган. Олти бор А Серия чемпионига айланган. Икки маротаба ЕЧЛда бош мукофот соҳиби бўлган. 2006 йилда жаҳон чемпионлигини қўлга киритган.