Пирло: "Биз кубок ютишга лойиқ эдик"

Эслатиб ўтамиз, "Ювентус" финалда "Аталанта"ни 2:1 ҳисобида мағлубиятга учратиб, Италия кубогини қўлга киритди. 

"Бу икки ажойиб жамоа иштирокидаги ажойиб ўйин эди. Жамоалар охиригача курашишди. Ўйин финал учун мос бўлди. Биз мухлисларга ажойиб оқшом намойиш этиб берганимиздан хурсандмиз. 

Жудаям зўр бўлмаган мавсумни ҳисобга олсак, биз ғалаба қозониб, кубокни уйга олиб кетишни истагандик. Ярим финал ва финалда кучли жамоаларни мағлуб этдик, шунинг учун ҳам "Ювентус" кубокни қўлга киритишга лойиқ эди. 

Ушбу лавозимда ишлашда давом этишни истардим. Мен болалигимдан футболни яхши кўраман, бундан кейин ҳам шундай бўлиб қолади. Барчасини клуб раҳбарияти ҳал қилади. Менга машғулотлар ўтказиш ёқади. "Ювентус"ни севаман. Кўрамиз, қандай қарор қабул қилинаркин. Мен давом этишни истаган бўлардим", - деди Пирло.