Петар Сегрт: "Ўзбекистон билан ҳам ўйнашга тайёрмиз. Сизлар бунга розимизислар?"

"Тожикистонлик барча мухлисларни ғалаба билан табриклайман, улар учун бу кўп нарсани англатади. Шунингдек, Қирғиз Республикасини ҳам табриклайман. Бугун ҳар икки жамоада ҳам яхши имкониятлар бўлди. Биз бугун ақллироқ ўйин намойиш этдик ва ғалаба қозондик. Бугунги ўйин Уганда билан ўйиндан анча фарқ қилди. Ёш жамоамиз анча яхши ҳаракат қилди. Ҳакам кўп қизил карточа кўрсатиб юборди, бироқ уларнинг ҳар бири тўғри кўрсатилди. Ҳакам учрашувни яхши бошқарди. Бугун мухлислар ажойиб тарзда бизни қўллаб-қувватлаб турди. Биз янги футболчиларнинг ўсишига ёрдам беришимиз керак. Умид қиламанки, ёш авлод билан Осиё чемпионатининг саралашида ғалаба қозониб, финал босқичига чиқишга ҳаракат қиламиз. Яна бир бор Қирғиз Республикасига миннатдорчилик билдираман, улар билан июнь ойида яна бир бор учрашамиз. Бугунги ғалаба биз учун муҳим эди, чунки жаҳон чемпионатининг сарашида биз уларга мағлуб бўлгандик.

Бизга қаердан гол уришнинг фарқи йўқ. Пенальтиданми, жаримаданми, бу аҳамиятсиз. Муҳими — гол кирита билиш. Шунингдек, бизда ҳали чепионат бошланмади, футболчиларим ҳам тўлиқ тайёр эмас. Сиз тўғри айтингиз, биз гол уришда анча қийналдик. Мен жамоага келганимга кўп бўлмади, ҳали қилинадиган ишлар бисёр. Барча шогирдларимдан миннатдорман. Улар бор имкониятларини ишга солдилар.

Ўзбекистон терма жамоаси Тожикистон терма жамоаси билан ўйнай олмади. Биз билан юртингиздами ёки Тожикистонда ўртоқлик ўйинига рози бўлган бўлармидингиз?

Ўзбекистон жуда кучли рақиб. Биз уларга қарши тўп тепишга тайёрмиз. Мен ҳар бир журналистни юртимизга таклиф қилган бўлардим, бироқ бу менинг қўлимда эмас. Шунингдек, яна бир бор ЎФАга ажойиб турнирни ташкил этгани учун миннатдорчилик билдираман. Ўзбекистон аҳлига ҳам раҳмат айтаман", — деди Тожикистон бош мураббийи.