Пеп Артетада "барча маълумот бор"лиги ҳақида: "Бу 115та айблов ишига тегишли бўлиши мумкин. У аниқроқ гапириши керак"

"Арсенал" устози 2016-2019 йилларда "Манчестер Сити" бош мураббийи Пеп Гвардиола ассистенти бўлиб ишлаган. "Этихад"да бўлиб ўтган "Манчестер Сити" ҳамда "Арсенал" ўртасидаги АПЛнинг 5-тур ўйиндан сўнг "шаҳарликлар" рақиблари ҳақида шундай дейишган экан: "Тўпчилар" "қора санъат"дан фойдаланишди". Артета бунга жавобан қуйидаги гапни айтган: "Мен у ерда тўрт йил бўлганман. Ишонаверинг, менда ҳамма маълумот бор". Мутахассис бу гапи билан "Сити" ҳам шундай тактикадан фойдаланган дейишга уринган.

"У шундай дедими? Кейинги сафар бу нималигини тушуниб олиш учун у аниқроқ гапириши керак. Артета биз билан тўрт йил ишлаб, "Сити"да нималар бўлганини яхши билишини айтибди. Аммо бу 115та айблов ишига тегишли бўлиши мумкин - балки у шуни назарда тутгандир? Унга керакли саволларни беришди деб умид қиламан.

Шубҳаларни кучайтиргандан кўра аниқроқ гапиргани яхши эди" - деди "Манчестер Сити" устози.