"Пахтакор" йирик ҳисобда ютқазди ФОТО

Саудия Арабистони юқори лигаси жамоаси "Ал Иттифоқ" "Пахтакор" билан назорат баҳсида куч синашди.

Биринчи бўлимда ҳар иккала жамоалар гол уришни уддасидан чиқа олишмади. Танаффусдан сўнг эса даммамликлар Александр Лобанов қўриқлаган дарвозага жавобсиз учта тўп йўллашди ва якунда Шота Арвеладзе бошчилигидаги "Пахтакор"ни йирик ҳисобда мағлуб этишди.

Назорат ўйини.

Туркия, Истанбул.

"Пахтакор" - "Ал Иттифоқ" 0:3

"Пахтакор": Александр Лобанов, Владимир Козак, Марко Симич, Шерзод Аъзамов, Даврон Ҳошимов, Азим Аҳмедов, Тиаго Безерра, Достон Иброҳимов, Суҳроб Нуруллоев, Гиди Канюк, Игорь Сергеев.

"Пахтакор" жамоаси Туркиядаги йиғин давомида яна бир назорат учрашуви ўтказишни режалаштирган.

Унга кўра, "шерлар" 30 июль куни Саудия Арабистонининг "Ал Раед" клубига қарши назорат баҳсини ўтказишади.
Шундан сўнг эса Шота Арвеладзе бошчилигидаги жамоа Тошкентга қайтади.