"Пахтакор" мухлислар клуби сардори: "Балки бугун йил ўйини"
20 окт 2018 11:30
Новости
![](https://championat.asia/upload/storage/458897_original.jpg)
![](/upload/storage/458897_220.jpg)
"Пахтакор" мухлислар клуби сардори: "Балки бугун йил ўйини"
Мазкур учрашувга "Пахтакор" мухлислари қандай тайёргарлик кўраяптилар, бу борада мухлислар клуби сардори Илҳом Ёқуббеков билан қисқача суҳбатлашдик.
"Ҳал қилувчи босқичга келганда жамоамиз ўз ўйинини топиб олгани биз мухлисларни хурсанд қилди. Энди шу темпини сақлаб қолишимиз ва 3 йилдан бери эриша олмаётган чемпионлик кубогини қайтаришимиз керак деб ўйлайман. Бошланишига жамоамизнинг ўйини бироз қовушмади. Лекин сўнгги ўйинларни кўриб мазза қилдик", - дейди мухлислар клуби сардори.
- Бу йил аввалгиларига қараганда стадионга келаётган мухлислар сони нисбатан ошди, бу кўпроқ нима билан боғлиқ?
- Тошкентда ҳар доим мухлисларнинг ташрифи билан муаммо бўлиб келган. Лекин бу йил тўғри айтдингиз, 2017-2018 йилга нисбатан анча мухлислар ташрифи ошди. Клуб раҳбарияти имкон қадар уларга шароит яратиб беришга ҳаракат қилаяптилар. Сафар ўйинларида ҳам ёлғизлатиб қўймаяптилар. Имконияти бор мухлис бор, имконияти йўғи бор. Клуб эса уларга ёрдам бераяпти. Олдинлари 2-3 минг нафар мухлис келса қувонаётган эдик. Жорий мавсум 5000 нафар мухлис келиши одатга айланди. Энг муҳими клубга бўлган ишонч қайтди ва бундан унумли фойдаланишимиз керак.
- Эртанги ўйин ҳақида нима дейсиз? (Суҳбат 19 октябрь куни бўлиб ўтган)
- Фақат ғалаба! "Локомотив"ни 6 очкога олдинлаб кетишига йўл қўймаслигимиз керак. Сўнгги иккита ўйиндаги темпни ушлайдиган бўлсак ва "Локо" билан кубок ўйинини ёдга олган ҳолда шу ўйинларимизни намойиш қилсак ғалаба қозонишимизга ишонаман. Лекин рақибни ҳурмат қилишимиз керак, бежизга кетма-кет чемпион бўлмадилар.
- Мухлисларга нима деган бўлардингиз?
- Ҳар кунгидан кўра бу ўйинда биз жамоамизни қўллаб-қувватлаб туришимиз керак. 12-ўйинчи деган атама бежизга айтилмаган ва "Локомотив" билан ўйинда биз ҳам ўз сўзимизни айтишимиз керак.
Ниғмон Нозимов
Похожие новости
![AMP Logo](https://championat.asia/image/logo-amp.png)
Комментарии