"Пахтакор" Гриффитс ўрнига футболчи топди

Жамоада эндиликда осиёлик легионер лимити бўшаб қолди. Тасдиқланмаган, аммо бизга маълум бўлган хабарларга кўра, "Пахтакор" жамоаси ўз таркибига "Бухоро"да тўп тепаётган туркманистонлик легионер футболчи Арслонмурот Амоновни қўшиб олишни истамоқда. Суперлиганинг апрель ойи футболчисига айланган Арслонмурот Амоновга "Пахтакор" томонидан қизиқиш бўлмоқда. Аммо ҳозирча томонлар келишувга эришишгани йўқ.

Афтидан "Пахтакор" клуби бўшаб қолган осиёлик легионер лимитини Арслонмурот Амонов билан тўлдиришга қарши эмас. Лекин "Бухоро" жамоаси ўз етакчисини қўйиб юбориши осон бўлмайди.

Қайд этиш керак, айни пайтда ФИФА кунлари муносабати билан Суперлигада қисқа танаффус юзага келган. "Бухоро" футболчиси Арслонмурот Амонов эса ҳозирда ўз юртида ҳордиқ чиқармоқда. Кўп нарса Амонов юртимизга қайтиб келганидан сўнг маълум бўлиши кутилмоқда.

Эслатиб ўтамиз, Суперлигада трансфер ойнаси 17 июнь куни очилади.