Паулиньо "Барселона"ни тарк этишга тайёр

Бразилия терма жамоасининг 29 ёшли ўйинчиси Хитой клубига қайтиб боришга розилик бериб бўлган.

Ўйинчи ўтган мавсум ЕЧЛ 1/4 финал жавоб баҳсида "Рома"га қарши (0:3) захирада қолганидан норози. Римликларга қарши биринчи ўйин (4:1)да эса фақатгина иккинчи бўлимнинг ярмида майдонга тушган.

"Барса" Паулиньони бир йил олдин "Гуанчжоу"дан 40 миллион еврога сотиб олган эди, шундан 7,5 миллионини ўйинчининг ўзи тўлаган.

Энди хитойликлар футболчи учун 50 млн атрофида таклиф қилишмоқчи. Келишув билан машхур агент Киа Журабчиан шуғулланмоқда.

Олдинроқ, "Ювентус" Паулиньони 40 млн еврога сотиб олмоқчи эканлиги хабар қилинган эди.

Эслатиб ўтамиз, Паулиньо кеча Бразилия терма жамоаси билан бирга Бельгиядан мағлубиятга учради (1:2) ва мундиал билан хайрлашди.