Ўзбекистонлик биринчи аёл комиссар ўсмир қизлар ўртасидаги мусобақадан таклиф олди
28 мая 2014 12:27
Новости
![](https://championat.asia/upload/storage/129990_original.jpg)
![](/upload/storage/129990_220.jpg)
Ўзбекистонлик биринчи аёл комиссар ўсмир қизлар ўртасидаги мусобақадан таклиф олди
Ўзбекистонлик биринчи аёл комиссар – Светлана Саакова ОФК байроғи остида ташкил этиладиган ўсмир қизлар ўртасидаги минтақавий чемпионатда комиссарлик қилади.
10-15 июнь кунлари Вьетнамнинг Хошимин шаҳрида 14 ёшгача бўлган ўсмир қизлар ўртасида АСЕАН минтақаси чемпионати бўлиб ўтади. Мусобақанинг «А» гуруҳида Вьетнам, Сингапур, Филиппин ва Камбожа, «В» гуруҳида эса Таиланд, Мьянма ва Малайзия терма жамоалари иштирок этади.
Ушбу мусобақа ЎзПФЛ мутахассис ҳисобланган Светлана Саакова учун халқаро ўйинлардаги илк комиссарлик иши бўлади. Саакова 2014 йил январь ойида бўлиб ўтган комиссарлик имтиҳонларини муваффақиятли топшириб, Осиё майдонларида қизлар ва аёллар ўртасидаги футбол мусобақаларида комиссарлик фаолиятини олиб бориш ҳуқуқига эга бўлганди.
ОФК 2013 йилдан бошлаб қитъанинг тўрт минтақасида – Жанубий-Марказий, Шарқий, АСЕАН ва Ғарбий Осиё минтақаларида 14 ёшгача бўлган ўсмир қизлар ўртасида минтақавий чемпионатларни ўтказиб келмоқда. Жанубий-Марказий Осиёдаги 2014 йилги минтақавий мусобақада Непал ғолиб чиққан бўлса, Ғарбий минтақада иорданиялик ўсмир қизлар кучлироқ чиқди. Шарқий Осиё минтақасидаги ўйинлар 30 май куни бошланади.
Маълумот ўрнида, ҳозирги вақтда ўзбекистонлик Алим Арифов ва Санжар Ризаев Осиё майдонларида эркаклар ўртасида ташкил этилаётган футбол мусобақаларида комиссарлик қилиб келмоқда.
Ушбу мусобақа ЎзПФЛ мутахассис ҳисобланган Светлана Саакова учун халқаро ўйинлардаги илк комиссарлик иши бўлади. Саакова 2014 йил январь ойида бўлиб ўтган комиссарлик имтиҳонларини муваффақиятли топшириб, Осиё майдонларида қизлар ва аёллар ўртасидаги футбол мусобақаларида комиссарлик фаолиятини олиб бориш ҳуқуқига эга бўлганди.
ОФК 2013 йилдан бошлаб қитъанинг тўрт минтақасида – Жанубий-Марказий, Шарқий, АСЕАН ва Ғарбий Осиё минтақаларида 14 ёшгача бўлган ўсмир қизлар ўртасида минтақавий чемпионатларни ўтказиб келмоқда. Жанубий-Марказий Осиёдаги 2014 йилги минтақавий мусобақада Непал ғолиб чиққан бўлса, Ғарбий минтақада иорданиялик ўсмир қизлар кучлироқ чиқди. Шарқий Осиё минтақасидаги ўйинлар 30 май куни бошланади.
Маълумот ўрнида, ҳозирги вақтда ўзбекистонлик Алим Арифов ва Санжар Ризаев Осиё майдонларида эркаклар ўртасида ташкил этилаётган футбол мусобақаларида комиссарлик қилиб келмоқда.
![AMP Logo](https://championat.asia/image/logo-amp.png)
Комментарии