Ўзбекистон ёшлар терма жамоаси Беларусь билан ўртоқлик учрашуви ўтказади
02 мая 2016 18:08
Новости

Ўзбекистон ёшлар терма жамоаси Беларусь билан ўртоқлик учрашуви ўтказади

Ёшлар ўртасидаги Осиё чемпионатига тайёргарлик кўраётган Ўзбекистон U-19 терма жамоаси куни кеча Саудия Арабистонидан қайтиб келди.

Жасур Абдураимов бошчилигидаги Ўзбекистон U-19 терма жамоаси Саудия Арабистонида йиғин ўтказиб, мезбонларга қарши иккита ўртоқлик учрашувида майдонга тушди.

Ўзбекистон U-19 энди Беларусь мамлакатига учиб кетади ва 5-11 май кунлари ўртоқлик учрашувларини ўтказади. Бу ҳақда ЎФФ терма жамоалар маркази директори Асқар Толибжонов маълум қилди. Эслатиб ўтамиз, ўтган йилнинг ноябрь ойида Беларусь ёшлар терма жамоаси Тошкентда меҳмон бўлиб иккита ўртоқлик учрашувини ўтказган эди.

Маълумот учун, Баҳрайндаги Осиё чемпионати гуруҳ босқичида Ўзбекистон Хитой, Австралия ва Тожикистон билан куч синашади. Қитъа биринчилигида ярим финалга чиққан тўрт жамоа 2017 йил Жанубий Кореяда бўлиб ўтадиган U-20 Жаҳон чемпионатида қатнашади.

Ссылка :

Источник : championat.asia

Получайте новости прямо в Telegram!

Рейтинг: +5